Tappensches Familienbuch (1889)/253
| GenWiki - Digitale Bibliothek | |
|---|---|
| Tappensches Familienbuch (1889) | |
| Inhalt | |
| <<<Vorherige Seite [252] |
Nächste Seite>>> [254] |
| Datei:Familienbuch-Tappen.djvu | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
Ordo Jureconsultorun praestat D. Georgium Christianum Gebauerum, D. Tobiam Jacobum Reinhart, D. Gottfridum Mascovium, D. Gottlieb Samuelem Treuer, Joannem Jacobum Schmauss, D. Henricum Christinanum Senckenberg, et D. Georgium Henricum Ayrer.
Ex ordino Medicorum asseclas habebis D. Georgium Gottlob Richterum, D. Albertum Haller et D. Joannem Andream Segner.
Philosophorum ordo suppeditabit Professores ex parte, pro suorum munerum functionibus, jam in aliis Facultatibus nominatos, sed, ut ordinis hujus numerus sibi constet, denuo nunc cum caeteris nominandos. Suppeditabit autem D. Gottlieb Samuelem Treuer, Politices et Moralium, Joannem Jacobum Schmauss, Juris Naturae et Gentium, Christophorum Augustum Heumannum, Historiae litterariae, Joannem Davidem Koelerum, Historiarum, Joannem Matthiam Gesnerum, Eloquentiae et Poeseos, Samuelem Christianum Hollmannum, Logices et Metaphysices, Joannem Fridericum Cotta, L. L. Orientalium, D. Joannem Andream Segner, Physices et Mathematum, Joannem Fridericum Penther, Oeconomiae, et Ludovicum Martinum Kahlen, Professores Ordinarios.
Cum his ergo, nec minus cum Syndico Universitatis, modo nominato Professore Senckenberg, consilia conferes, quandocunque pro re nata salus Academiae id ipsum requiret.
Invenis quoque Professores Theolograe extraordinarios D. Christophorum Augustum Heumannum et Joannem Fridericum Cotta.
Quibus accedunt Wilhelmus Kupeke, Secretarius Universitatis, linguarum exoticarum Lectores et exercitiorum Magistri omnes Tuae curae demandati.
Caeterum quatuor quaevis Universitas habet Collegia, munerum functionibus inter se distincta, quae Facultates propterea appellantur, quod peculiari facultate singula pollent de eo, quod verum et justum est in rebus, ad ipsa relatis, pro auctoritate ordinis sui respondendi, ex quibus in unum congregatis totum corpus Senatus Academici coalescit. Habet horum unumquodque Decanum, qui res suae Facultatis fide et industria recte curet. Eas quoque Facultates illosque Decanos nova haec Academia jam a primordiis suis habuit habetque, nunc tantummodo, ne quid solemni Inaugurationi desit, publice renunciandos et investiendos: quamobrem Illustrissimos Comites de Isemburg, de Henckel, de Reuss, et de Schaumburg-Lippe, quod muneris Sibi delegari aequissimo passi sunt animo, requiro, ut dignitatis hujus insignia simulque Facultatum statuta et sigilla mihi tradant.
Atque ita Theologici Ordinis Decanus nunc es Idem, qui modo primus Academiae totius Pro-Rector Magnificus es constitutus. Pallium hoc, quod Illustrissimus Comes Wilhelmus Reinhardus de Isemburg porrexit, dignitatis hujus insigne est. Accipe cum Statutis et Sigillum, quo acta Tuae Facultatis propria obsignes.
Facultatis Juridicae Decanum Te, D. Georgi Christiane Gebauere, renuncio et hanc in cathedram voco, ut insignia ordinis hujus accipias, utque Tecum peragantur, quae pro officii ratione nunc agenda sunt. Pallium hoc, quod Illustissimus Comes de Henckel in promtu habet, ornamentum ordinis Tui est, quo nunc amiciris. Accipe et Statuta Facultatis Juridicae, quae Tu Decanus nunc, et quos deinceps habebis successores, diligentissime custodietis, caventes, ne quid illis adversum admittatur, ne quid iis praescriptum omittatur. Trado quoque Sigillum, quo apposito acta cum Collegis, quoties opus est, confirmentur. Si enim Collegii Tui sententia de quacunque causa aut juris quaestione proposita requiratur, hoc sigillum fidem tum faciet, omnia summo opere esse excussa. Non moror Te diutius; quae enim praeterea forte monenda erant, ea dexteritate Tua expeditum iri confido.
Nunc Tu mihi alloquendus es, D. Georgi Gottlob Richtere: itaqne velim propius accedas. Facultatis Medicae Decanatum Tibi assigno, et cum isto honore hoc Tibi amiculum ab Illustrissimo Comite de Reuss exhibitum, humeris aptandum, confero. Accipe etiam Statuta ordinis Tui, quorum custodia Tibi Decano Tuisque successoribus demandatur. Salutaris ars Medica vocari consuevit: curabis itaque, ut haec dignitas, qua nunc auctus es, vere sit salutaris. Proinde nec in facultate medendi impertienda nimium parcus eris, neque nimium facilis aut profusus, quin potius, si quis medicandi Licentiam aut