Genealogie der Herren und Grafen von Velbrüggen/29
| GenWiki - Digitale Bibliothek | |
|---|---|
| Genealogie der Herren und Grafen von Velbrüggen | |
| Inhalt | |
| GenWiki E-Book | |
| <<<Vorherige Seite [28] |
Nächste Seite>>> [30] |
| Datei:Genealogie velbrueggen.djvu | |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
gutlichen verdragen, dat dese zweyn Gebruedere vurg. yrre beider moider so lange sy im leuwen ist samen ind eyn yder halff yre Jair Rente na luyde der verschryuonge dair vp gemacht Jairlichs visrichten ind betzalen sullen, Vort ist verdragen, dat Reynart vurs. syne huysfrouwe ind yrre beider eruen na synre moder doide dat huyss zo Erp van der Bruggen vpwart mit synen Grauen vmbgayn hauen ind erfflich gebruichen sullen[1] Item den hoff vur dem huyse gelegen ind den hoff zo Ouerwychterich mit alle synen Renten Rechten ind zogehoeren ind yre moder ytzont in lyfftzocht gebruicht, sullen Reynart ind Bernt gebroedere vurs. zo samen hauen it en were dan sache, dat der vurs. Reynart off syne eruen zo Erp wonafftich weren ind den hoff vur deme huyse selffs bouwen wulden, sullen asdan Reynart vurs. ader syne eruen deme vurs. Bernt ind synen eruen bynnen Erp in syne vry sicher behalt ind gewalt Jairlichs geuen ind betzalen de helffte van dem vurs. gude zo Erp gelegen gelyck ind so vill as de gudere vurs. in gewoentlicken vurjairen gerent hauen, Vort ist gedadongt, off sache were dat Reynart vurs. ader syne eruen eynen vngnedigen heren hetten dat doch nyet durch yn ader syne eruen mit worden ader wercken verschult zoqweme Also dat ym van dem huyse zo Nyenborch syne pantschafft affgenomen ind syne verschryuonge vur dach datum deser Erffdeilonge[2] nyet gehalden ader dat ym in syne penningen gedragen wurde, wie dat gelegen ader zokomen moechte, sall der vurs. Bernt ind syne eruen dat mit helffen verantworden ind alsulchen schade gelych halff allet gesamender hant viss synen guederen ym in deser deilongen zo deile geuallen synt
- ↑ Die Herren von Nechtersheim waren zu Erp begütert. Pawin von Nechtersheim erwarb im J. 1420 ein von der Dompropstey zu Cöln lehenrühriges Gut zu Erp, genannt Thoenis Gut. Demselben verkaufte Heinrich Kolff von Vettelhoven und Oeda seine Gattin im J. 1426 ihr Artland im Felde von Erp gelegen und vier Morgen Busch zu Friesheim. Und im J. 1433 kaufte Pawin einen Weingarten zu Erp, gelegen hinter Weingarten des Junkers Johan Herrn zur Schleyden und zu Nuwensteyne. — Pawin war wahrscheinlich der Urgrossvater der beiden Gebrüder von Velbrüggen.
- ↑ Ich habe angenommen, dass Bernhard von Aldenbrüggen das Haus Neuerburg wegen eines Darlehens als Unterpfand besessen habe. Vielleicht ist seinem Sohne Reynart ein neuer Pfandbrief ausgestellt worden.