Beiträge zur Genealogie der adligen Geschlechter 5 (Strange)/119

segell vur vns ind vur vnsse eruen an diesen brieff hait gehancgen Dat ich Werner van Vlatten vurs. bekennen ind ergeyn dat ich vmb beden willen der vurs. lude myn segell an diesen brieff hain gehancgen Gegeuen in den Jairen vns heren dusent veirhondert ind zwey Jair des sondaes na sente Nycolaes dage

10. Spruch des Diederich Herrn zu Manderscheid und Daun in Sachen des Wilhelm von Wysben und des Heinrich von Mirbach, betreffend gewisse Güter zu Bewingen,Ripsdorf, Castelberg und Gerolstein, v. J. 1440.

      Ich Diederich here zo Manderscheit vnde zo Dune doin kont vnde erkennen das uff hude data dyss brieffs vur mir gewest sint die Erbern vesten Wilhelm von Wysben vnde Heinrich von Merbach der alde vmb sulch zwyst vnde zwey sie vnder sych su hatten vmb die gude zo Bieffingen zo rypstorp zo Castelberg ind zo gerhartstein gelegen die yn von Pauwelynen heinrichs von Ocheren husfrauwen yrer monen den got gnade zo gefallen sint vnde was zo sulchen guden gehorich is benomet ader vnbenomet wo die gelegen sint Das ich Diederich vorg. die obg. Wilhelm vnde Heinrich vmb sulche gude gutlich versonet hain in massen das sie sulcher gude vnde was dar zo gehorich is glychermassen gebruchen vnde genesen sullen glych halff vnde halff as suster vnde broder vnde ir keiner noch die syne eynch behulff noch vurteyl dar an wyder den andern ader die syne zo suchen noch zo hain Dan das sie zwen obg. Wilhelm vnde Heinrich vnde die yren sullen sulche gude als vorg. steit halden haben vnde besitzen as suster vnde broder iglich halff vnde halff vnde so vyl as der ander sonder arglyste vnde geuerde Auch sal vort an allewege der elste vnder den beyden stemmen vnde den yren sulch gude entphaen vnde vurmannen an allen enden vnde steden da sich dis geburt von beyder parthien wegen vnde in beyder parthien nutz vnde behoeff Aller vorg. sachen hain ich Diederich vorg. myn Inges. an dysen brieff gehangen zo orkonde vnde erkentenis Ind wir Wilhelm vnde Heinrich vorg. hain vnser Inges. auch an dysen brieff gehangen vns vnde vnser erben aller vorg. sachen zo ouerzugen zo ewigen dagen Im Jare CCCCXL uff Dinstag nest vur Catedra petri nae gewainheit ym styffte zo Trier zo schriben