Beiträge zur Genealogie der adligen Geschlechter 5 (Strange)/118

erue ind guede Ind were sache dat wir des neit stede in heilden as vurs. is ind da an suymmich wurden also dat dey vurs. lude Heyntze ind Heynrich yre leiffdage off eirre eynch in syme leuen an deme vurs. erue ind guede ind an den vurgenanten principaell brieuen gekrudt geyrt off gehindert wurden off eynche ansprache dar vmb hetten off lidden ind eynche hindernisse krygen van vns van vnssen eruen off van eymans anders van vnssen weygen So erkiesen wir Wilhem ind Raboede van Gymnich gebroedere ind Guytgin ind Katherina vnsse elige huysfrauwen vurs. vur vns ind vur vnsse eruen in disme offenen brieue dat die vurs. erue ind guyt so wie die geleygen synt zo Houltzheym zo Mechernich ind zo Bercheym mit den vurgenanten principaell brieuen soullen den Egenanten luden Heyntzen ind Heynrich syme eligen soene ind yren eruen vererfft ind eruallen sin zo ewigen dagen also dat sy assdan da mit soullen brechen ind boessen as mit anderen irme eygenen erue ind guede so wie in Euen koempt in alle der maessen als weirt in van vader ind van moeder erstoruen aen vnssen zorn ind widdersprache vnsser eruen off eymans anders van vnssen weygen Ouch is zo wissen as vurs. is off sache were dat der vurs. lude Heyntzen ind Heynrich Eyn affliuich wurde so sall der ander de assdan leuende blyfft dat vurs. erue ind guyt mit den vurs. principaell brieuen syne leiffdage gentzlichen ind zo maell halden ind besitzen in alle der maessen als sy beyde leyffden aen vnssen zorn ind widdersprache off eymans anders van vnssen weygen Ind wilche zyt sy beyde dout synt so soullen die vurs. erue ind guyt mit den vurs. principaell brieuen sy da van haint vns Wilhem ind Raboede van Gymnich gebroederen vurs. ind Guytgin ind Katherinen vnssen eligen wyuen ind vnssen rechten eruen eruallen ind erstoruen sin Id en were dan sache dat dey vurs. erue ind guyt mit den principaell brieuen vurs. den vurs. luden Heyntzen ind Heinrich ind yren eruen vererfft ind eruallen weren in der maessen as vurs.steit Alle argelist vssgescheiden Dis zo vrkunde ind zo getzuge der wairheit so hain wir Wilhem ind Raboede van Gymnich gebroedere vurs. vnsse segelle vur vns ind vur vnsse eruen an diesen brieff gehancgen Ind want wir Guytgin van Vleirtzheym ind Katherina van Deynsbur vurs. egeyne segelle en hain so hain wir gebeyden ind bidden Wernher van Vlatten dat hie sin