Beiträge zur Genealogie der adligen Geschlechter 2 (Strange)/079
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [078] |
Nächste Seite>>> [080] |
| Datei:Strange 02.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
dat die Egenante elude henken ind geirdrut off ere eruen soillen doen buwen ind machen in den vurs. hoff. vunff verbunt huyss. seiss verbunt stelle. ind veir verbunt schuren. enbynnen diessen neisten eyght iaren nae data dys breiffs. Ouch so is id gevurwert. dat ich Wernher vurs. ind myne eruen. dit vurs. erffe ind goit vermannen soillen. as dat mantz goit recht is ind des hoeffs gewoende is. vp dat die vurs. elude henken ind geirdrut off ere eruen neit geschat enwerden van dem vurs. erue ind goede. want id vrimantz goit is. Vort so is id gevurwert So wanne die Nuyne Indnuyntzich iare vmb synt. So sal ich Wernher vurs. ind myne eruen den vurs. eluden henken ind geirdrut off eren eruen dit vurs. erue ind goit wydder vmb beleinen Nuyne Indnuyntzich iare vur den vurs. zynss as vurs. steit as verre as sy neit bruchlichen vunden enwurden an eymmycher betzalynghen off an buwe. den die vurs. elude off ere eruen an dem vurs. hoeffe doen soilden Ind were ouch sache dat ich Wernher vurs. off myne eruen den vurs. eluden henken ind geirdrut off eren eruen dat vurs. erue ind goit. neit wydder vmb beleenen enwolden. So sal ich Wernher vurs. off myne eruen den vurs. eluden henken ind geirdrut off eren eruen wydder vmb geuen zweyhundert guylger gulden. vur ere kost ind buwe. den sy an den vurs. hoeff gelacht hedden Ouch so is id gevurwert. dat die Egenante elude henken ind geirdrut off ere eruen den vurss. hoeff myt al syme zobehoir neit zo splyssen noch verdeillen en soillen. Dan he sal an eymme sime kynde off an eymme syme eruen blyuen. myt al der vurwerden as vurs. steit Ouch so soillen die vurs. elude henken ind geirdrut off ere eruen den vurs. horff erue ind goit in gewoenlichen buwe vort an halden so willich zyt as des noit geburt Ind were ouch sache dat die vurs. elude henken ind geirdrut off ere eruen versumelich vunden wurden an eyngher vurwerden dys breiffs. dat were an der betzalynghen off an buwe des vurs. hoiffs erffe ind goitz. ind so wie dat vurs. steit. So sal ich Wernher vurs. off myne eruen hant an slaen an al ir goit bewelich ind vnbewelich. vp dem vurs. hoiffe erue ind goede vss off ynne geit. so wie dat gelegen is. zo verwenden ind zo verkeren zo myme nutze. Ind bis zo der zyt dat myr off mynen eruen gentzlichen genoich gescheit is nae vsswyssunghe dys breiffs Ouch is gevurwert off sache were dat dys vurs.