Beiträge zur Genealogie der adligen Geschlechter 2 (Strange)/078
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [077] |
Nächste Seite>>> [079] |
| Datei:Strange 02.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
synen zobehoeren behalden beschudden ind beschirmen vur gewalt as eyn Here synen mannen schuldich is zo doin Alle Argelist hie ynne ind yn yiklichen punten dis brieffs vyssgescheiden Des wir zo vrkunde vns Siegel vur vns vnse eruen ind nacoemelingen an diesen brieff hain doin ind heischen hangen — — Gegeuen in den Jairen vns Heren dusent vierhundert ind Tzwentzich des maendages na sent Laurencien dage martiris
12. Pachtbrief des Werner von Vlatten über seinen Hof zu Wollersheim, lautend auf 99 Jahre, v. J. 1420.
Ich Werner van Vlatten Doen kunt ind bekennen vur mych ind myne eruen dat ich myt goeden moitwillen vsgeleint han ind leenen mynen hoff zo Woelresheim myt alsine zobehoir myt namen artlande myt beinden ind myt veir morghen busch geheissen ind geleghen in dem bunrestaill zwey stucker wyngartz geleghen hynder dem hoiffe. Willich erue ind goit geheissen is Flaymmersserhoff. Henken Volmer van Woelresheim scheffen zerzyt. Ind geirdrut syme Elichme Wyue ind eren rechten eruen Nuyn Indnuyntzich iair nae datum dys breiffs. neist nae ein anderen volghen. Eycklich iairs vur tzwentzich rynscher gulden goit van gulde ind vollen zwair van geweight. off dat wert dar vur. myt namen vunf schillynch dry marck alsuylch pagamentz. as der zyt der betzalynghe genge ind geue is. Die soillen die vurs. Elude henken ind geirdrut off ere eruen. myr ind mynen eruen. goitlichen ind wail betzalen. al iairs. vp sent andreis dach des heilligen apostols zo Woelresheim in den vurs. hoff off zo pyssenheim in vnssen hoff. vp ere kost angest sorghe ind verlust. Ind den vurs. eluden henken ind geirdrut noch eren eruen. en sal neit zo staden staen an betzalynghen des vurs. zynss pechters recht myswas haillslach noch heren noit dae got vur syn moisse. Ouch so sal ich Wernher vurs. ind myne eruen behalden die steynkuille. zynsse ind pechte so wie die vallen ind in den vurs. hoff hoerrende synt. vssgescheiden eynen cleynen wyntzeynde de gelegen is hynder dem vurs. hoiffe. myt mamen iohan mulleners wyngarde. Ind iohan burgers. Ind berta reynners. Ind XVI. schillinck zynss an husse ind hoeffe belen der mulenerssen zo goedersheim. Den vurs. zeynde soillen die vurs. elude henken ind geirdrut ind ere eruen al iairs heuen. Ouch so is id gevurwert