Beiträge zur Genealogie der adligen Geschlechter 1 (Strange)/075
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| Heft 1 | 2 3 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [074] |
Nächste Seite>>> [076] |
| Datei:Strange 01.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
ouch die drydeill van vnss gnedigen Heren des Hertzougen van Guilche antreffende Boeslar ind Corentzych die vur veyrdusent ind vunfhundert ouerlensche Rynsche gulden verpant synt blyuen vns gebroideren Reynalt Karselis Diderich ind Johan van Palant gelych, Vort so dan die drydeill der dinckstoile Pyrne ind Marcken van vnssme gnedigen Heren dem Hertzougen van Guilche verpant synt vur echtdusent ouerlensche Rynsche gulden danaff geburt mir Karselis eyn dusent gulden vurs. mir Werner eyn dusent gulden vurs. mir Johanne veyr dusent gulden Ind mir Thonis ein dusent gulden Dan blyuent da noch dusent gulden, die sullen wir Reynalt Karselis Diderich ind Johan van Palant gebroidere samen ind gelych hauen ind behalden — —---
Gegeuen Int Jare vns Heren dusent veir hundert Sees ind vunftzych vp Dinstdach na sent Mertyns dage des hilligen busschofs
V. Heirathsvertrag zwischen Engelbrecht Nyt von Birgel und Adelheid von Gronsfeld v. J. 1429.
In nomine domini Amen Kunt sy allen luden die dese ontghewerdige Hylichsvunverde soelen sien off hoeren lesen dat eyns vasten steden Hylichs geraempt is ouermitz maghe ind vrunde derre namen herna beschreuen volgen die des cyndrechtlichen ouerkomen syn als tuschen Engelbrecht Nyte van BirgeL eliche soen Frambaichs van Birgel erff Marschalk zo Guylchge op eyne syde Ind Aleten van Gronsfelt eliche dochter Heynrichs here zo Gronsfelt ind zo Rentberch op die andere syde Also dat der vurs. Engelbrecht Nyte die vurs. Aleit van Gronsfelt hauen sal zo eynen eligen witzlichen wyue ind zo eynen rechten bedgenois Ind die vurg. Alete den seinen Engelbrecht Nyte weder hauen sal zo eynen eligen witzlichen manne Mit alsulcher Hylichsvurwerden as herna beschreuen volgen In den eirsten so ghyft Frambaich van Birgel vurs. Engelbrecht Nyde synen vurg. soene ind Aleiden eluden vurs. in Rechten Hylichsvurwerden ind zo Hylichsghauen dry hondert mudde speltzen guetz erffpachtz maessen van Luytge die he geloeft