Beiträge zur Genealogie der adligen Geschlechter 4 (Strange)/085

GenWiki - Digitale Bibliothek
Beiträge zur Genealogie der adligen Geschlechter (Strange)
1  2  3  |  Heft 4  |  5  6  7  8  9  10  11  12 Inhalt  |  Beilagen  |  Berichtigung
Glossar
GenWiki E-Book
<<<Vorherige Seite [084]	Nächste Seite>>> [086]
Datei:Strange 04.djvu
Hilfe zur Nutzung von DjVu-Dateien
Texterfassung: unvollständig
Dieser Text ist noch nicht vollständig erfasst. Hilf mit, ihn aus der angegebenen Quelle zu vervollständigen!

85 wyghen hoyue Hans budden hoyue Gobel wyghen hoyue Albert wegeners hoyue Jacob schapes hoyue des douen rotgers hoyue Hoppen kottenstede Klappertaens hoyue Tylmans denst vnd dey hoyue to Oilsberge Dese vorbenompten gude myt deynste schulden vnd aller rechticheyt vnd tobehoringen nicht dar van vitgescheeden Vort ist clarlich bededingt dat alle dat Jenne dat yn dysser erffdeylinge vurges. nicht berort noch benompt steit Als myt namen dey steynkulen, Sees vnd vertich marck vnd XXI s. tom Euersberge, den teynden to Rainmesbecke vnd dey gemeynen marke to Antfelde, dryfft, hoide, holt, water vnd weyde Jacht vnd vysscherye Ouch dat wylde lant, den deynst to Nutteier vnd war sey sych des vorder bekomen können vort allen gemeynen nutt vnd vpkome gulde vnd renthe yn mathen vurges. steit Süllen dey vurg. weduwe vnd «re kinder vp eyn vnd Johan vurg. vnd syn eruen vp ander syden gelyck heben boren mitten vnd gebruken, Sünder vit- gescheeden den teynden to Antfelde dey steit der vurg. wedu- wen vnd eren kinderen nach Lude erer virschryuynge So dey van Johanne vurg. geloist worde Süllen' sey sych ouch gelycklich vmbe virdregen Were ouch sake dat an den vorbenompten vnuordeylden guderen eyniche beschweringe kost vnd arbeyt entstonde wu sych dat erneuende worde It were van swyn- dryfft off anders Süllen sey beyde parthye vurg. gelyck staen vnd dregen Were ouch sake dat sych eyniche schult ervunde dey Lyse van Berninchusen seliger erer beyder moder gemaket hedde Süllen sey oik beyde parthye gelyck dregen vnd gelden Alle dusse vurg. punte heuet erer eyn dem anderen In vnsir Jegenwerdicheyt gelouet vnd gesekert vor eyne gantze grunt- liche erffdeylinge vnd virdracht In guden erheben truwen to halden vnd dysser breyue synt twe gelyck ludende, der yglich parthye vurges. eynen heuet vnd wante dan dysse erffdeylinge vnd virdracht myt vnsir beyder parthyen vurg. vulbart vnd guden willen gescheyn vnd gemaket ist vnd des genslichen Ingegangen syn So heb ich Johan van Berninchusen vurg. to thuge der warheyt myn Ingesegel vor myeh vnd myn eruen vestlich an desen breff gehangen vnd wyr beyde parthye nempt- lich Agatha weduwe vnd Johan vurg. heben vort to merer sekerheyt vnd to thuge der warheyt gutlichen gebeeden dey erbern vnd vesten vnse lieuen vader vedderen swagere vnd