Beiträge zur Genealogie der adligen Geschlechter 4 (Strange)/085

wyghen hoyue Hans budden hoyue Gobel wyghen hoyue Albert wegeners hoyue Jacob schapes hoyue des douen rotgers hoyue Hoppen kottenstede Klappertaens hoyue Tylmans denst vnd dey hoyue to Oilsberge Dese vorbenompten gude myt deynste schulden vnd aller rechticheyt vnd tobehoringen nicht dar van vitgescheeden Vort ist clarlich bededingt dat alle dat Jenne dat yn dysser erffdeylinge vurges. nicht berort noch benompt steit Als myt namen dey steynkulen, Sees vnd vertich marck vnd XXI s. tom Euersberge, den teynden to Rammesbecke vnd dey gemeynen marke to Antfelde, dryfft, hoide, holt, water vnd weyde Jacht vnd vysscherye Ouch dat wylde lant, den deynst to Nutteler vnd war sey sych des vorder bekomen konnen vort allen gemeynen nutt vnd vpkome gulde vnd renthe yn mathen vurges. steit Sullen dey vurg. weduwe vnd ere kinder vp eyn vnd Johan vurg. vnd syn eruen vp ander syden gelyck heben boren mitten vnd gebruken, Sunder vitgescheeden den teynden to Antfelde dey steit der vurg. weduwen vnd eren kinderen nach Lude erer virschryuynge So dey van Johanne vurg. geloist worde Sullen sey sych ouch gelycklich vmbe virdregen Were ouch sake dat an den vorbenompten vnuordeylden guderen eyniche beschweringe kost vnd arbeyt entstonde wu sych dat erneuende worde It were van swyndryfft off anders Sullen sey beyde parthye vurg. gelyck staen vnd dregen Were ouch sake dat sych eyniche schult ervunde dey Lyse van Berninchusen seliger erer beyder moder gemaket hedde Sullen sey oik beyde parthye gelyck dregen vnd gelden Alle dusse vurg. punte heuet erer eyn dem anderen In vnsir Jegenwerdicheyt gelouet vnd gesekert vor eyne gantze gruntliche erffdeylinge vnd virdracht In guden erlichen truwen to halden vnd dysser breyue synt twe gelyck ludende, der yglich parthye vurges. eynen heuet vnd wante dan dysse erffdeylinge vnd virdracht myt vnsir beyder parthyen vurg. vulbart vnd guden willen gescheyn vnd gemaket ist vnd des genslichen Ingegangen syn So heb ich Johan van Berninchusen vurg. to thuge der warheyt myn Ingesegel vor mych vnd myn eruen vestlich an desen breff gehangen vnd wyr beyde parthye nemptlich Agatha weduwe vnd Johan vurg. heben vort to merer sekerheyt vnd to thuge der warheyt gutlichen gebeeden dey erbern vnd vesten vnse lieuen vader vedderen swagere vnd