Beiträge zur Genealogie der adligen Geschlechter 1 (Strange)/072

van Schrammen guede Jtem den Hoff mit dem erfpaichte zom Stuytgen by der Wyee Jtem den Hoff zo Pruymeren in dem lande van Randenroide mit dem artlande weyspaichte euenpaichte mit den scheffen buschen capuynen hoynren ind kurmeden as zo dem vurs. hoyue gehoerich is Ind dar zo dat huys bynnen Lynghe mit der hoeuerechten dat Gerartz van der Baelen zo syn plach Vort sall mir Bernart van Palant ind mynen broideren ind Susteren vurs. van vnser vurs. erfschaff dar zo wir van vnss vaders wegen gerechtiget syn zogehoeren ind blyuen dat sloss Palant myt den vurburgcn wyeren ind elren mit derHeirlicheit ind gerychte hoege ind neder as van aldtz dar zo gehoirt hait ind gehoerich is mit mannen scheffen schetzincgen artlande beynden kirchengifte eltergiften mit der anerfschaff vp dem hoegen wähle korenmoelen Oelichsmoilen weydmoelen wynhuse in dem dorpe zynsen peichten zienden Capuynen hoynren pennyncksgelde ind mit alle syme zobehoere Ind sall dar zo hauen den Hoff zo Gressenych mit capuynen hoynren zynse ind pennyncksgelde ind syme zobehoere Jtem den Hoff zo Kufferen mit allen yngelden ind vyssgeldcn mit Capuynen gensen hoynren peichten artlande as der gelegen is Jtem zo Alttorp die euen ind Capuyne dat erfrente is Jtem den wyngart zo Wynden mit den beynden alda gelegen Jtem zo Vloistorp dat korn dat Seywodde (Sybodo) gildt mit der euen capuynen pennyncksgelde ind kurmeden daselfs Vort sall mir Thonis van Palant ind mynen broideren ind susteren vurs. van vnser vurs. erfschaft dar zo wir van vnss vaders wegen gerechtiget syn zogehoeren ind blyuen dat Sloss Rulant mit dem Lande Heirlicheit ind hoegen gerycht mit mannen burchmannen ind gemeynen vndersaissen mit den hoyuen scheffen schetzincgen deynsten beynden weysghulde kornghulde euenghulde Capuynen hoynren gensen Saltzghulde swynen oyssen hemelen ind allen anderen Renten ind ghuldcn so wie die yn ind zo der Heirlicheit van Rulant gehoerich is nyet da van vysgescheyden Vort sali mir Emondt van Palant van vnser vurs. erfschaff dar zo ich van myns vaders wegen gerechtiget byn zogehoeren ind blyuen dat huys Moubach mit der Heirlicheyt ind ouch den hoff zo Thumme mit der Heirlicheit gerychten hoege ind neder mit dem artlande wyngarden wynghulden beynden euenghulden moilen capuynen hoynren schetzincgen zynsen ind alle yrme zobehoere