Urkundenbuch Oppen, Band 1/028
| GenWiki - Digitale Bibliothek | |
|---|---|
| Urkundenbuch Oppen, Band 1 | |
| Errata | |
| Vorrede | Register | |
| <<<Vorherige Seite [027] |
Nächste Seite>>> [029] |
| Datei:Oppen Urkunden 1.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
des illgen likhammes dage negest vorgangen, vnde ok en deyl er gevangen worden, degher vnde alle quijd, leddich vnde lues werden vnde dyt synd de vangenen, de we leddigen schullet der we noch vnmechtich synd: her Gherd vnde her Ordghis Clencoke, her hase, Rodolff van oppyn, ludelff van Estorve, de Junge putteker. Junge schulteke, hinric viskule, hinric bleke, Heyne quand, Ernst bock, lange willebrand van reeden, werner van reeden, wullebrand dunel, wygerssen, Gherd van botmer, Johan van botmer, Johan Slepegrelle de Eldere, Clames onde henneke van bremen, Swederstorpe, Jungeberch hafsele, Gherd van stelle, Clouwingehusen, ludelff moltzane, Hans hidzacker, Johan Romele, Curd van dem houe. Junge Segeband van dem berge, vader Ghereke schutte, hinric stoff, louwenkop Dyderik lusseke, koningh, Dyderic van dem haghene, henneke schutte, harneyt van wrestede, Borcholte Swaff, hinric van dem heymbroke, Alard van dem bussche, ludecke beere, Otte van senden, keyenberch, Johan bock, Cop, Segewan van bauensen, ffrederic wend, werneke bock, Iuhan van welmede, Amelungh van dem bussche, Hermen van der borch, dremezeke van atzunge, Olric Schilder, Bernd van ghesmode, Alard van velsten, Gherlich leidebur, Egghert Slinghworm, Jorden van hentzingedorpe, wynniggehufen, henningh melebergh, wedighe quitzowe, hans kemerer, luder tydeken, Sunnebach hans des daghes, henneke van dem wede vnde alle desser vorscreuenen knechte, de gevangen synd. Konde we auer de vorbenomeden vangenen alle nicht leddigen bynnen desser vorscreuenen tyd. So schulde vns en verdeil Jares ane vare weesen, men bynnen der tyd scholde we se io alle leddigen. Were ok nemand van den vanghenen vorgetten, den de rad to luneburch edder de Rotemeystere myt ereme rechte beholden wolden, dat scholde ok ane vare weesen und dat we hertoge hinric de vorscreuenen vangenen leddigen schullen vnde willen bynnen besser vorscreuenen tyd, dar vorpende we vore to vormaringhe dem rade vnde den borgheren to luneborch myt willen unde vulbord vnses boelen hertogen berndes luchowe hus und stad met aller to behoringhe so lange brukeliken und ronweliken to beholdende, bette we de vanghene leddigen, also vore is gescreuen. Wanne we auer de Merkelitesten der vorscreuenen vanghenen geleddigt hedden, so scholde we vor de vngeleddigeden vangenen dem vorscreuenen rade to luneborch andere vorwaringhe don, de denne nochafftig were na besegginghe der prelaten vnde Mansschop, de in unsem rade synd. De vorwaringhe scholde de rad to luneborch denne van uns nemen und uns luchow wedder antwerden in vnse were. Dyt loue we hinric hertoghe to brunswic vnde to luneborch vorbenomet met unsem eruen dem vorscreuenen rade vnde borgheren vnde eren nakomelinghen in guden truwen to holdende vnuorbroken. Vnde we Bernd van godes gnaden hertoge to brunswic vnde to luneborch Bekennet in dessem breue, dat desse vorscreuene vorwaringhe vnde vorpendinghe myt luchowe dem rade vnde borgheren to luneborch gescheen is met unser wisschop, vulbord vnde willen vnde des to bekantnisse hebbe we brodere beyde vnse inghesegele williken vnd met willen gehenget heeten an