Pfarre zum heiligen Kreuz in Aachen/57
| GenWiki - Digitale Bibliothek | |
|---|---|
| Pfarre zum heiligen Kreuz in Aachen | |
| Errata | |
| <<<Vorherige Seite [56] |
Nächste Seite>>> [58] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
suscepti laboris ratione accipiant. Oblatae siquidem nobis pro parte venerabilis Prioris et Conventus fratrum cruciferorum aquensium Leod. nostrae Dioec petitionis series continebat, quod ex fundatione quondam generosi D. Godefridi de Pomerio graventur onere duarum missarum septimanatim in capella villae de Bocholt ab urbe aquensi itinere duarum horarum distante celebrandarum, et eiusdem fundationis reditus valorem quatuordecim fl. Renen. non excedant, qui in praesentiarum duntaxat septem fl. redditus annuos constituunt. Cum autem, sicuti eadem petitio subjungebat, ejusmodi reditus mirum in modum sit tenuis, et huic oneri ferendo insufficiens, supplicarunt idcirco nobis humiliter iidem ores., quatenus pro eorum conscientiae quiete dictas missas supprimere, seu ad minorem numerum reducere dignaremur. Hinc est, quod nos perpendentes, quod presbyteri altari servientes de eodem altari vivere debeant, hujusmodi supplicationibus inclinati, ac diligenti super praemissis informatione accepta, praetactas duas missas hebdomadales propter tenuitatem dicti reditus ad unam singulis mensibus per dictos Priorem et conventum celebrandam authoritate nostra ordinaria seu alias quomodolibet nobis attributa reduximus, prout perpetuo supprimimus , et in Dei nomine reducimus per praesentes. Volumus autem, ut piae fundatoris hujusmodi menti aliqua in parte satisfiat, loco suppressarum missarum illius fundatoris per collectas faciendo commemorationem.
In quorum fidem et testimonium praesentes per Vicarium nostrum in spiritualibus generalem subscribi, sigillique nostri (quo in talibus utimur) sub impressione communiri mandavimus. Datum in civitate nosta Leodiensi anno a nativitate Domini millesimo sexcentesimo decimo sexto, mensis Octobris die decima octava.
joes. Chapeauille vicarius. Concordantiam istius copiae etc.