Beiträge zur Genealogie der adligen Geschlechter 4 (Strange)/083

dagh alse he vppe den stoel quam, eder binnen verteynnachten dar vore, eder dar na allerneyst we de versetene gulde ierst al betalet syn Allet dat hir vorg. ys, dat loue ich her Hunolt van Plettenbracht vors. vor my vnd myne echten vrowen vnd vor al myne rechten eruen dem vors. Octen Schaden, Greten syme echten wyue vnd al eren rechten eruen vnd holdere desses breues an guden truwen stede vnd vast toholdene sunder arghelist vnder mynen Ingheseghele ghehangen to dessen breue, hir waren ouer vnd an h. Frederik van Horde Ritter h. Berndes zone van Horde, Helmich van Eruethe, Remfred van Schorlemmer vnd Wichard van Bredenole. Datum anno domini M. CCC. L. XXX tercio feria quinta post dominicam Misericordia domini

---

11. Antfelder Erbtheilung v. J. 1495.

      Wyr Goidert dey Wreede to Reyderen Guntram van Plettenberg Diederich van Hamxlede Hinrich van Plettenberg Heydenrich van Plettenberg to Leenhusen vnd Wyganth van Hamxlede Don kund vnd bekennen In vnd ouer mytz desem open besegelden breue dat wyr vp hude datum dysses breues eyne gutliche gruntliche vnd ewyge erffdeylinge gededingt vnd gemaket heben Tusschen der erberen Agathen van Berninchusen naegelaten weduwen Heydenrichs van Berninchusen seliger vnd eren kinderen vp eyn vnd Johannen van Berninchusen erem Swager vnd vedderen vp ander syden Also beschedenclichen dat dey weduwe vnd ere kinder vurg. alleyne heben vnd behalden sullen vor sych vnd ere eruen erfflich vnd ewiglich dat alde hus to dem nyen to Antfelde vnd den rynck myt dem grauen vmb dat hus vnd waid dar Innen begrepen ist vnd vort den Plaiss vp der wester syden van der kerken an byt vp dey beke So lank vnd so breet dat men dar eyn vorwerck vp setten moge vnd konne vnd sych des houes erer noitdrofft wall konne bekomen Ouch sall dey vurg. weduwe vnd ere kinder heben vnd behalden den schapstaill gelegen bouen der kerken vnd ouch vort allen huysgerait vnd varende haue Ouch sall dey vurg. weduwe vnd ere kinder heben vnd behalden dese naeges. Lender, dey twe morgen lands vp der Hoe, twe morgen yn der kulenbrake, dat ouerste land yn der kulenbrake by dem brylonschen