Beiträge zur Genealogie der adligen Geschlechter 4 (Strange)/081

9. Heinrich von Ense verkauft dem Diederich von Hörde eine Rente von 30 Rheinischen Gulden aus seinem Gute zu Westernkotten im J. 1458.

      Wy hinrich van Ensze to Anroichte Amptman to Brilon vnde Godert syn sonne bekennet vnde betuget oppenbare in vnde myt dussen breue vor vns vnde alle vnse eruen dat wy eyndrechtlike myt guden vrighen wyllen vnde gantzen vorbedachten berade vor dertich gude sware ouerlendesche rinscher guldene der veirkoirfursten munte de vns deger vnde alle wol to willen betalet synt hebbet verkoifft vnde verkopet rechtredeliken vermitz crafft dusses breues eynes steden vasten eruekopes Diderike van hoirde droisten etc. synen rechten eruen vnde heldere dusses breues myt eren willen vnse gude hurna benomet myt eren tobehoringen ten westerenkotten geleghen nemptlick dat gud dair hinrick de lange vppe wonnet dat jarlix doit eyn halff molt korns lippescher mate drigerleye alze roggen gersten vnde haueren eyns itliken allikeuele vnde achte Schillinge lippesches pagiments vnde dat gud dair hinrick hutick vppe wonnet dat jarlix doit dre mndde gersten mate so ock vurg. is vnde dat gud dair hans de schroder vppe wonnet dat jarlix doit twe molden soltes welke ergenante dre alz hinrick hinrick vnde hans alle myt vns synt handhetich geworden vnde vort alle de gene de dusse ergenante gude nu eder hyrnamals vnderhebben vnde besitten ene sollen handhetich werden de vurnumpten renthe korns geldes vnde soltes ene alle jar tobetalende vnde tobringhene vnuertoget in eyner allingen Summen vmbesat vmbekummert vnde sunder wederweringe ieniges rechten in ere seckere wysse beholt bynnen der Stad lippe tusschen Sente michahelis vnde sente mertins daghen vnde wy sollen vnde wilt se dusser vurnumpten gude vnde renthe rechte warende wesen in mate vurgerort vppe allen steden vnde in allen rechten wanner wair vnde wo vakene ene des noit vnde behoiff dede sunder ierleye eren schaden vnde ane ere koist vnde hebbet se der in rechte restlike gebrukene besittene hebbene were gesat vnde synt der richtlike vtgegan myt handen vnde myt munden alze recht is vor nusen schutten Gogreuen to Erwitte vnses Genedighen leuen heren van Collen vnde ghait der vt myt crafft dusses breues — — — vnde hebbet des to