Beiträge zur Genealogie der adligen Geschlechter 4 (Strange)/079
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 3 | Heft 4 | 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [078] |
Nächste Seite>>> [080] |
| Datei:Strange 04.djvu | |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
in eyme reichten steden erfkouffe, vur mich ind alle myne eruen ind nacoemlinge, dem eirberen manne Gerarde van der Alderburch genant pieck, synen eruen ind Behelder dis briefs mit synen willen. — — Also dat der selue Gerart, syne eruen off Behelder dis briefs die vurs. schoult Rente ind brieue, mit alle dem reichten, dat ich da an hadde, off hauen moichte, van nu vort an erflichen ind ewelichen mit reichte hauen ind behalden, die vpheyuen ind vntfangen moigen zo keren ind zo wenden in wat hant sy willent. — — Ind deser dynge zo vrkunde ind gantzer stedicheit So hain ich Costyn greue vurg. myn Ingesegel vur mich ind myne eruen vur an desen brief gehangen. Ind hain vort gebeden die eirsame wyse herren hern Heidenrich van Schallenberg ind Johan Canuss Scheffene zo Coelne, vur den ich alle dese vurs. sachen ergiet ind bekant hain, dat sy darumb yre Ingesegele by dat mynt zo gezuge alre vurs. sachen an desen brieff gehangen haint, des wir Heidenrich van Schallenberg ind Johan Canuss Scheffene vurg. ergien ind bekennen dat id wair is, Datum Anno domini Millesimo Quadringentesimo duodecimo, die vicesima mensis Julii …
7. Diederich Erzbischof von Cöln belehnt Heinrich von Ense mit dem Marschall-Amt von Westphalen im J. 1439.
Wir Diederich van goitz gnaden der hilliger kirchen zo Colne ertzebusschof des heiligen Romischen Rychs in Italien ertzcantzler hertzog van Westfalen ind van Engeren etc. Doin kunt ind bekennen dat wir huden in entgeenwerdicheit vnsser manne her na geschreuen heynrich van Ense gerartz son beleent hain ind beleenen ouermitz desen brieff mit der Erff Cameryen vnss marschalcks Amptz van Westfalen mit yrem zobehoere wie wilne hunolt van Plettenbrecht die van vns ind vnsem gestychte van Colne zo leene gehalden hait ind roirende is, wir hain ouch gewoinliche huldonge ind Eyde van dem vurs. heynrich entfangen dat vurs. leen getruwelichen zo verdienen ind zo vermannen vnse vnsser nakomenen ind gestychte beste zo weruen ind argste zo warnen ind zo keren na synre macht ind vort zo doin as eyn man syme heren schuldich