Beiträge zur Genealogie der adligen Geschlechter 3 (Strange)/085
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [084] |
Nächste Seite>>> [086] |
| Datei:Strange 03.djvu | |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
der Heirlicheit van Elner. Wilcher vurs. vunff marcken Erffrenten vnse vurvaren vier marck in vurtzyden gekoufft ind gegolden hadden van dem van Elner. Die der selue vnse vurvaren ind wir Jairss zo heuen ind zo boeren plagen vyss dem ouersten huse zo Elner ind Erue ind goide dar tzo gehoerende dat Henrich van Elner ind syne kyndere zo hauen plagen Ind die vunffte marck vurs. in vurtzyden van dem van Elner zo eynre memorien ind gedechtenissen zo Erue dem vurs. vnsem Capittel besat ind gegeuen is Die vnse vurvaren ind wir Jairss zo heuen ind zo boeren plagen vyss dem raider huse ind Erue ind goide dar tzo gehorende dat seilge Burghart van Elner ind Mettele wilnee syne elige huysfrouwe zo hauen plagen. Alls vur Eyne reide bescheidene somme geltz der wir samen eyns syn wurden Die vns ouch van den seluen eluden hern Ailue ind vrouwen Metzgyn an eynre alinger vngedeilder sommen aldeger ind zo maill gehantreicht ouergetzailt ind waill betzailt is Dar van wir vns genslichen van yn bedancken Ind schelden darvmb die vurgenante elude hern Ailuen ind vrouwen Metzgyn ind yre eruen van der vurs. alinger sommen geltz ind betzalonge vur vns ind vnse Nakomelinge loss ledich quyt ind aldeger waill betzailt in krafft disseluen brieffs. Wilche vurs. alinge somme geltz wir ouch ter stont wedervmb an andere Erffrente gelacht ind gekeirt hauen in vrber ind nutze des vurs. vnses Capittels die vurs. memorie ind gedechtenisse zom Erffligem ewigen dagen nae als vur dar myt zo halden In maissen wie vurs. steit Ind wir Irmgart Ebdisse ind gemeyne Capittel vurs. hauen darvmb der vurs. vunff marck brabantz Erffrenten vysgegangen ind klaclois ind genslichen myt halme hande ind monde dar van vertzegen Ind gaen ouch der vyss ind vertzyen dar vp in krafft disseluen brieffs myt allem rechten als men na rechte ind gewoenten des landz van dem Berghe Erffrenten vysgaen ind dar van vertzyen sall off mach yn ind zo hende der vurs. eluden. Ind hauen ouch den vurs. eluden hern Ailue ind vrouwen Metzgyn alle sulche brieue wir vp die vurs. Erffrente sprechende hadden myt vnser alre rechter wyst ind willen Ind myt desen yntgeynwurdigen brieue gehantreicht ind ouergeleuert Also dat wir noch vnse Nakomelinge nummermere zom erffligem ewigem dagen Egeynrekunne recht vorderinge noch ansprache meir an den vurs. vunff marcken Erffrenten hauen