Beiträge zur Genealogie der adligen Geschlechter 2 (Strange)/127
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [126] |
Nächste Seite>>> [128] |
| Datei:Strange 02.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
werwort dar weder zo hauen geystlich noch werenclich sonder alle argeliste Ind hain darvmb zo vrkonde mallich van vnss vn Ingesiegelle mit an desen brieff gehangen. Gegeuen in deme Jair nae der geburt vnss Herren doy man schreiff duysent vierhondert ind dryindtzwentzich des nyesten dynstages na sent Bartholomeus dach des heiligen Apostolen
9. Vertrag zwischen Adolph Quad Ritter und seinem Schwiegersohne Johann von Eynenberg Ritter v. J. 1460.
Ich Ailff Quade here zo Emmer Ritter doin kunt ind bekennen vor mich ind myne eruen ouermitz desen offen brieff dat also as mir here Johan van Eynenbergh here zo Landtzkrone Ritter myn lieue son ind Eydom vur sich ind sine eruen eyne verschryuonge gedain hait vp sulch Hylichsgut Ich eme mit mynre eliger doichter sinre huysfrauwen zo medegauen ind Hylichsgueden gegeuen ind eme die verschreuen hatte na lude der Hylichsbrieue, Ind eme nu vmb sinre betwencklicher noede ind fruntlicher beden willen an sinen schulderen as he dan mit swairen schulden belaeden was, Dry dusent ind tzwey hundert gulden van sinen weigen verfangen ind wail vernoicht hain sins Hylichsgels vur wilch Hylichsgelt ind wederfal min Eydom vurs. mir ind mynen eruen dan den hoff zo Arwylre ind dat dorffe Nerendorff verschreuen hait In deser wyss off id sache were, dat he ind myne elige doichter sine elige huysfrauwe sonder elige lyffseruen van in beiden geschaffen affgienge, dat ich ind myne eruen asdan den hoft ind dat vurs. dorff also lange in vnsen henden hauen ind behalden sullen bis zorzyt des vurs. heren Johans myns Eydoms reichte navolgende eruen komen mit der vurg. sommen geltz ind loesen den hoff ind dorff vurs. van mir ind mynen eruen na lüde sulchs briefs Ich van deme vurs. heren Johanne myme eydom darup sprechende hain dat clerlichen vysswyst, So dat eyn yecklich gut kome ind valle da id heir komen is, Ind want ouch die pantbrieue van Keysersweirde vp den vurg. heren Johan mynen eydom ind sine eruen stoint ind vp mich noch vp myne eruen nyet Ind ich sulchen gelt van Keysersweirde vp groissen verdeirfflichen schaden vp bracht Ind myne erue ind gude frunde dar vur versat hain, Ind off myn eydom vurs. doitz haluen affgienge