Beiträge zur Genealogie der adligen Geschlechter 2 (Strange)/109
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [108] |
Nächste Seite>>> [110] |
| Datei:Strange 02.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
han wir parthyen ind ouch ich Seuerin pastoir gebieden ind bidden ouch in dyssme breue de Eirssame scheffen gemeynlichen des gereichtz zo Noemenich vmb want de vurs. korngulden meystendeils vnder in geliegen ind dinckpleichtich gehoerende is Dar vmb wir ind eyneder van vns ouch der vurs. korngulden ind Renten vur yn in behoiff der vurs. Capellen ind Regente vyssgegancken syn ind vyssgayn in dysme breue As ouch der vurs. wilne Heren Wilhem van Vlatten in syme leuen der Seuen malder korngulden zo behoiff der seluer Capellen gedain hait ind vyssgegancken As by in zo Noemenich Reicht ind gewonlich ind gebuirlich yst Den Scheffen alda ouch kundich is, de da van allet ouch yre gewonliche vrkunde vntfangen haint, dat sy dar vmb ind des zo oirkunde desen breiff myt besegelen willen Ind want wir Scheffen vurgenante ind gemeynlich des dan allet also gestain ind gestant doin dat alle vurs. sachen vur vns gescheit ind veroirkunt synt as by vns Reicht ind gewonde is Ind want wir dan gheyn gemeyne segel en haen So han wir na gueder gewonden gebeden den festen Juncker Daniel van Berge genant van Durffendaelle dat hey syn segel vur vns zo getzuge alre vurs. sachen myt an dyssen breiff gehangen hait, Des ich Daniel vurs. also tzuchen ind bekennen gherne gedain haue vmb beden wille der Eirbarre scheffen gemeynlichen zo Noemenich vurs. Gegeuen in me Jaere vns Heren Duyssent veirhundert eynindseestzich vp des hilligen Cruytz auent Jnuencionis
27. Kaufbrief über das Dorf Rohr für Johann von Deynsbur v. J. 1464.
Ich Elsabeth weduwe van Vlatten frauwe zo Broill Doin kont offenbierlichen bekennende dat ich vur mich ind myne Eruen dem vesten Johanne van Deynsbur ind synen eruen erfflichen verkoufft ind angestalt hayn verkouffen ind anstellen oeuermytz desen brieff myn Dorff Roir myt alle synre Hierlicheyt ind vryheit nass ind druge hoe ind neder pechten zynssen kurmoeden so wie dat an mynen lieuen seligen Huysshern vnd mich bracht is Ind ouch bis her besessen hayn nyet vyssgescheiden vur eyne Summe geltz vnss uff beiden syten waill genoecht hait Ind ich vntfangen hayn Geloyuen asdarumb vur mich ind myne Eruen Johannen van Deynsbur ind synen