Beiträge zur Genealogie der adligen Geschlechter 2 (Strange)/107
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [106] |
Nächste Seite>>> [108] |
| Datei:Strange 02.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
deme hoeue zo Snoirenbergh gelden ind vallende na vysswyssungen der breue dar vp gegeuen Ind want dan da myt de selue Capelle noch neit na notrafft vur eynen preister sich dar vp zo vnthalden berent noch beguet was So bekennen wir Elssa Ailheit Johan ind Coen vurs. dat wir nu van goetlichem Ingeuen sementlichen ind eyndreichtlichen boyuen ind oeuer die vurbeguldonge vurs. zo besserungen der seluer Capellen Renten zo Drynborn noch myt Erfflichen reichte ordineirt gegeuen bewysst ind erlaissen han Ordineren geuen bewyssen ind erlaissen ouch festlichen ind volkoemelichen in dysme breue Echt malder Roggen Erffkorngulden de man Jairs gilt zo Vlpich(Uelpenich) van ind vyss Heren Daems hoeue ind guede van Hetzungen Ritter daselffs geliegen, de ouch vurmailtz zo Zeuel vurs. plagen zo gehoeren Also dat de vurs. korngulden ind Rentte in alle deme Rechtten ind vayre man de alle Jairs van ind vyss der vurs. Erffschaff ind gueden vurs. gilt zo der vurs. Capellen vur Renten ouch mit dienen ind voulgen sal zo behoif des preisters zertzyt dartzo ordineirt ind vnthalden Die wilche preister ind syne nakoemlinck ouch alle ind eyne Eyckliche weche zo Erfflichen ind Ewigen tzyden vp deme altare in der vurs. Capellen gedain ind gehalden werden Dry missen As eyne in ere der hilliger Dryveldicheit De ander in ere des vnschuldichen lydens vns leuen Heren Jhesu Cristi dar durch wir alle erloist syn Ind de Dyrde in ere der vnbflecktter moder goitz vnsser leuer vrauwen Ind vur alle gelouuiche vnberaden selen Ind besunder vur des vurs. Heren Wilhems van Vlatten seligen vnser ind synre alderen vrunde ind vns ind vnser Eruen selen, den hey ouch zo allen quatertemperen eyns alda besunder memorie doin ind halden sal myt vigilien commendacien ind anderen gebiederen as dan dartzo gehoeren Ind vort allet dat doin ind halden sal dat eyn Eirbar getreuwe preister van eren ind Reichte in ere des almeichtigen goitz ind der hilliger patrone der vurs. Capellen ind gedechtenisse der vurs. selen schuldich is zo doin Behalden mir Elssen vurs. myn leuenlanck vuran ind na myme doede vort der Erfheirschafft zertzyt zo Drinborne alle tzyt der mogen ind macht den preister vur de vurs. Capelle ind Renten aue ind an zo setzen ind zo vntsetzen ass duck ind menchwerff vns ader vnsse nakomenlinck des dan noit ducht Doch also dat de heirschaff vurs. dartzo altzyt eynen preister zo Drinborne