Beiträge zur Genealogie der adligen Geschlechter 2 (Strange)/097
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [096] |
Nächste Seite>>> [098] |
| Datei:Strange 02.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
last ader burchschaff kuntlich erfunde die in deser scheidongen neit benoympt en stoynde ind die vns van wegen des vurs. hern Andries mit redelicheit geburde zu bezaelen ind verrichten die sullen wir dry partyen yklich eyn dritdeill da van bezaelen ind vernoigen Ind eder partye sall syn andeill also vysrichten dat die andere partyen des ayn allen laste ind schaeden steyn Ind her vmb so gelouen Ich Metze van Liessingen vurs. vur mich ind myne eruen sulch vurs. scholt as an mich gedeilt is zu bezaelen wie dat allit vurs. steit wall zu bezaelen ind vernoigen da yn so zu voldoin dat die andere partyen des zu geynchen laste ind schaeden komen Ind wae Ich off myne eruen an sulch vurs. bezaelingen ind vernoigingen sumelich vonden wurden an deille off zu maille, also dat die andere partyen vurs. ind yre eruen dar vmb gedrungen gelesticht ind geschedicht wurden So sullen Ich Metze vurs. ind myne eruen asdan zur stunt binnen dem neisten maynde na gesinnen der vurs. partyen yn sulchen laste ind schaeden aff stellen Ind wa Ich ind myne eruen yn des dan also neit aff en stelten So gelouen Ich Metze vurs. vur mich ind myne eruen asdan Ich dar vmb gemaent werden van Werner van Vlatten ind Johan van Wunnenbergh vurs. yren eruen off van helder dis brieffs mit yren willen mit monde off breuen so wie die maeninge geschege zur stunt na yrre maeningen dry reisige knechte mit dryn reisigen perden binnen Munster eyfflen in leystunge zu schicken in eyne herberge dar Ich yn gemaent off dant gewyst werden alda volleistunge zu doin ast guder lude ind leystes recht ind geweinheit is vys der leystungen nummer zu scheiden noch leistes up zu hoeren Werner ind Johanne van Wunnenbergh off den yren vurs. en sy eirsten genoich van mir ind mynen eruen geschiet as vurs. steit Ind die verleiste perde zur stunt na eynanderen zu ersetzen as dick des noit geburdt Ind were sache dat Ich Metze vurs. off myne eruen also boese wurden ind in vurs. maissen in leistunge neit en hielten ind verbreichen So han ich erkoiren ind erkiesent vestlich in diesme breue dat asdan Werner ind Johan van Wunnenbergh vurs. yre eruen off helder dis brieffs vurs. sullen van mir moigen schriuen ind clayn zu alle yren willen Ind vort an alle myne pende haeue ind guede gryffen off doin gryffen mit gerichte off ayn gerichte so wie ind wa sy die krigen konnen, dar vu Ich geyne velicheit haeuen en