Beiträge zur Genealogie der adligen Geschlechter 2 (Strange)/083
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [082] |
Nächste Seite>>> [084] |
| Datei:Strange 02.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
vur recht so we dat allet herna gheschr. volget Also dat dat Hoegericht ind Hyrlicheit Clockenclanck ind voilge myt wasser ind myt weiden van sent Claiss stock tzo Gemunde bis boeuen Mauwel yn den wynckel gehoerich is tzo der Herlicheit van Drynboeren we waele dat doch goede dae en bynnen gelegen synt dye en deil mantzgoede synt der Hersschaff van der Sleiden So gehoirt doch dat Hoegericht ind Herlicheit van den vurg. mantzgoeden tzo deme Hoegericht tzo Drynboeren vurg. Want alle dye ghene der vurg. mantzgoede haent den geburt van recht alle Jaer tzo dryn ongeboeden Gedyngen tzo Drynboren an dat Hoegericht tzo koemen ind dae deme Hoegericht syn recht helpen halden ind tzo hoeden als dat van alders bisher recht ind gewoenlich is gewest Inde geschege eynich gewalt off bruch up den vurg. mantzgoeden dat an leiff off an goit treffe dat sal man tzo Drynboren an dem Hoegericht vysdragen ind rechtverdigen Ouch so is ons kundich ind an ons vur recht bracht van onsen alderen inde vurvaeren ind wir hant gewyst vur recht ind wysent ouch noch vur recht dat dese goede herna geschr. steent kurmoide goede synt der Herlicheit van Drynboren Ind bis hertzo tzo lieue ind tzo leide gegoulden inde geleiden hant van den vurs. goeden myt anderen ondersaissen der Hyrlicheit van Drynboren ind der aldae van recht ind gewenden vur den Hoegericht vurs. vyss ind yn pleent tzo gaen Ind ons is kundich dat onse Here Heren Wilhem van Moisbach vure ind onse Juncker van Neuwenaer nae den got beiden genade In der tzyt dae sy dye Hyrsschaff van Drynboren onder henden hatten Ind onse Juncker Juncker Werner van Vlatten nu by syme tzyt alle sament kurmoede gehauen hant van desen vurs. seluen goeden dye yn ouch mit recht tzo gewyst synt In deme yrste so hat onse Here Heren Wilhem vurs. yn onsme gedencken eyne kurmoede gehauen van Welter Metze Kultzers manne van eynre hoiffstat gelegen tzo Mauwel dae hye up wande beneuen Goedart van Mauwel Item so hoefte onse Juncker van Neuwenaer vurs. tzwae kurmoeden van der vurs. Metzen Kultzers eyne van der vurs. Hoeffstat Ind eyne van eynre anderen Hoiffstat dye dae entgheen oeuer licht ind was gewest der vurs. Metzen broeder Item so hat der vurs. onse Juncker Werner kurmoede gehauen van Schoeman as van deme selue erue tzo Mauwel dat der vurs. Metzen Kulzers was want der vurs.