Beiträge und Material zur Geschichte der Aachener Patrizier-Familien, 1. Band/113
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [112] |
Nächste Seite>>> [114] |
| Datei:Fürth Aachener-Patrizier-1.djvu | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
XXXXII.
1514, August 15.
Wir Maximilian von gots gnaden Erwelter Romischer kayser zu allenn tzeitten merer des Reichs in Germanien zu Hunngern, Dalmacien Croacien ec. kunig Ertzhertzog zu osterreich hertzog zu Burgundt zu Brabannt vnd phallenntzgraue ec. Empieten den Ersamen vnnsern vnd des Reichs lieben getrewen Burgermaister den vom newen Rat vnd gemain vnnser:' kuniglichen Stuels vnnd Stat Aach vnnser gnad vnnd alles guet, Ersamen lieben getrewen, Als zwischen vnnsern vnd des Reichs lieben getrewen petern von Einden, vnd etlichen anndern dos alten Rats des berurten vnnsern kuniglichen Stuels vnd Stat Aach seinen mitverwanndten ains, vnd ewch annderstails etlich Irrung schweben, darumb verhorr vnd Rechtteg zwischen Ewr gehalten vnd jungst in vnnser Stat lintz auf Ewr baider tail recht setz etlich End vnd bey vrtailen erganngen, darinn Ewch vnnder annderm aufgelegt wurdet, das Ir vnangesehen Ewrs furpringens weiter in Recht hanndln vnd thun sollet, alles Innhallt derselben vnnser gesprochen vrtail, vnd Ir ewch darauf zu baiden tailen bewilligt, auf ainen benanntten tag zu erscheinen, vnd zu hanndlen, darauf ainer der Anwelt so vor in aller hanndlung gewesen erschinen, vnd on vnnser wissen vnd willen von vnnserm hof weeg gezogen, vnd ainannder mit ainem vngegrundten vnteuglichen gewalt für vnns kumen ist, haben wir aus denselben, vnd anndern beweglichen vrsachen solichen gewalt aberkant, vnnd wiewol wir wol vrsach gehebt, auf anrueffen des widertails Ewr vngehorsam weiter zu procediren, So haben wir doch zu vberfluss furgenumen, Ewch ferrer tag anzusetzen, vnd peremptorie zu citiern. Demnach so haischen vnnd laden wir Ewch ernnstlich gepietend vnnd wellen, das Ir auf den funntffvnndviertzigisten tag, der wir Ewch funfftzehen vur den ersten, funfftzehen für den anndern, vnd funfftzehen für den dritten vnd letzten Rechttag setzen vnnd benennen peremptorie, oder ob derselb tag nit ain gerichstag sein wurde, den nechsten gerichstag darnach durch Ewr anweid mit volkumen vnd gnugsamen gewalt, von vnns an vnnserm kayserlichen hof wo wir dann zumal sein werden erscheinet, auf die nechstgesprochen vrtail zu Lyntz rechtlichen zu hanndlen, auch den sachen biss zu vnnd aus zu warttn, vnnd alles das zu thun das dieselben vnnser jungst gesprochen vrtail zu lintz vermag, vnd nit ausbeleibet oder verziehet, dann Ir kumet, vnd erscheinet, also alsdann oder nit, nichtdestminder wurdet auf des gehorsamen