Beiträge zur Genealogie der adligen Geschlechter 3 (Strange)/081
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [080] |
Nächste Seite>>> [082] |
| Datei:Strange 03.djvu | |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
by die vnsse an dissen brieff zu hangen Des wyr Geirhart Hertouge zu Guylgh ind zu dem Berghe &c. Erkennen ind hauen vmb bede willen Heynrichs van Elner des alden Heynrichs ind Johans gebroederen vurs. Ind want ouch dat vurs. vertzichnyss vyssganck ind vpdracht vur vns selues ind vur vnssen Mannen gescheyt is vnsse Segele an dyssen brieff hauen doyn hangen Ind wyr Wilhem van Lymborgh here zu Broke Ind Herman van Wynkelhuysen Ritter Man vnss gnedigen heren vurs. erkennen dat wyr vmb bede willen der vurs. Heynrichs des alden Heynrichs ind Johans van Elner gebroedere Ind ouch dair vmb want wyr myt by allen vurs. vertzichnyss vyssgange ind vpdracht gewest synt Soe hauen wyr vnsse Segele als mallich dat syne an dissen brieff gehangen Gegeuen in den Jaeren vnss heren Jhesu Cristi do man schreyff dusent veirhundert ind Echt ind veirtzich des neysten Mayndages nae vnsser leuer vrauwen dage natiuitatis
5. Erbbeuttung zwischen Burchard von Eller und Adolph Quad v. J. 1448.
Wyr Borchart van Elner vnd Mettel syn Elige huysfrauwe doyn sementlichen kont ind bekennen oeuermytz desen offenen brief vur vns ind vnse Eruen dat wyr vmb nutz ind vrbers willen vnser ind vnsser Eruen myt godem wall bedachtem vur Raede eyndeils vnser frunde ind maege In eyme erffsteden wessen ind buydtkoyffe verwesselt ind verbuydt hauen oeuermytz desen seluen brieff Entgain die vrome Eirsame luyde heren Aelff Quaeden Ritter vnd vrauwe Metzgin syn elige huysfrauwe vnd hauen yn vur vnss ind vnsse Eruen tzo eynre erffliger ind ewiger besitzongen gegeuen ind erlaessen Alle alsulchen erue ind erfflige guede myt huseren hoeuen velden busschen gewelden Acker wiesen visscheryen zienden zynsen pechten Renten gulden kurmoeden leenluden eygen luden leengueden pachtgueden in wasser yn wagen vp vall neder vall gerichten vnd myt allen irre rechten erffligen zogehoir ind heirlicheyden vp den welden ind dair enbuyssen geystlich ind werentlich As myr Borchart vurs. an erstoruen vnd yn erffdeylongen gevallen is gewest van heren Rutger van Elneir Ritter vnd vrauwe Katherinen synre eliger huysfrauwen myn natuirlige vader ind moder seliger gedechtenis Ind wyr Borchart ind Mettel elude vurs.