Beiträge zur Genealogie der adligen Geschlechter 3 (Strange)/073
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [072] |
Nächste Seite>>> [074] |
| Datei:Strange 03.djvu | |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
luden vurg. ind yren eruen of heldere dis briefs mit yren willen zu ewelichen dagen, alle iaer vp sente Andreis dach, of in binnen veirzein dagen dar na neist volgende vnbeuancgen wale zo bezalen Ind vp vnsen anxst arbeit ind Cost zo Duren zu antwerden in yre behalt Ind vns elichen luden vurg. noch vnsen eruen in sal neit zu staden stain peigtersreicht miswas hailslaycht noch heren noit an der bezalinchen der vurg. erflicher Jaer gulden ind vmb dat dese vurg. eliche lude Johan ind Aleid of heldere dys briefs mit yren willen an bezalincgen deser vurg. erflicher iaier gulden der sicher sin So han wir den seluen verbunden ind zu vnderpande gesat ind setzen alle vnse erue ind gued zu Pollen vurg. ind yn deme velde Mit namen huys ind hauf Ind dru hoyuen lants So wie die geleygen sint Vort vonfzich morgen busch, der ligent vonfzeyne in deme Oirholze[1] beneyuen Johans bussche van Seilstorp, Vort der ligent vonf ind drissich morgen in der Hart, Mar der geldent eychdehalf morgen Schendoue van Luytzheim[2] seyss summeren rocgen Colzer maessen Vort han wir verbunden dru morgen beynde en tuschen Ecgersheym ind Luytzheim geleygen beneyuen des Moirs beynde Vort dru veirdele wincgartz geleygen zu Auwe beneyuen Johans wincgarde vurg. Mit alsulcher vurwerden formen ind maneren Weirt dat sache of wir Wynmar inde Vrytzsa eliche lude vurg. of vnse eruen in einchme Jaire vurs. an bezalinghen ind antwerdincgen deser erflicher iaer gulden vurg. versumlich wurden vunden, an eyme deile, off an ze male vp die vurs. zyt, dat dan dat vurg. erue ind gued So wie id zu der zyt geleygen is, los ind leydich eruallen sal syn Johanne ind aleyde elichen luden vurg. ind yren eruen, of heldere dys briefs mit yren willen, asso, dat sy da mide alle yren nutz ind willen doen, as mit ander yrme erue ind guede Sunder eymans wyder reyde, beheltnisse vnsme genedigen heren vnsme lieuen herren deme Herzogen van Gulge alle syns reychts, des Mansgued dit vurs. erue ind gued is, Alle argelist firpel quade
- ↑ Gemäss Pachtbrief v. J. 1538 liegen 15 Morgen Busch in dem „Moerhultze.“ So ist denn Oirholze wohl nur ein Versehen des Actuarius.
- ↑ In verschiedenen Urkunden und noch im J. 1396 kommt Arnold Schendhoff von Kauweiler Knape von Wapen vor, und ist derselbe vielleicht ein Bruder des obigen Schendoue.