Beiträge zur Genealogie der adligen Geschlechter 3 (Strange)/070
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [069] |
Nächste Seite>>> [071] |
| Datei:Strange 03.djvu | |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
weren, ader na dode der vurs. Margrete an Bernhartz neste erben sonder Indraicht Vnd sullen dese vurs. sachen alsus wie vurs. steit gantz veste vnd stede gehalden werden sonder alle argelist ader geuerde Vnd by deser vurs. gutlicher bereddonge sint gewest die vesten vnd fromen Godart van der Heiden vaidt zu Munstereyffel Thys van Loiszhem vnd Lodewich van Sweirtzhem uff Bernhartz syten vort Geirhart van Kaldenboiren vnd Geirhart Zelter uff Johans van Kesselstat syten Vnd dieser vurs. sachen zu vrkunde vnd getzuge So han ich Bernhart vurg. myn Ingesiegel her an desen breiff gehangen Des selben glichen han ich Johan van Kesselstat auch gedain vnd han myn Siegel an desen breiff gehangen Vnd zu merer stedicheit So han wir bedesament Bernhart vnd Johan die vurg. dedincks lude auch gebedden das sy ire Siegel by die vnse mit her an desen breiff hant gehangen — — Gegeuen Im Jaere XIIII. C. vnd LXXXV uff frydach na vnser lieber frauwen dach Concepcionis
13. Ehevertrag zwischen Johann von Kintzweiler genannt Nagel und Florentina von Ensseringen v. J. 1462.
In goitz namen Amen Kunt sye allen luden dye dyessen bryeff soillent seen off horen lesen dat eyn gotlich Hylich zu der eren goitz bereyt vnd volbraicht ist myt Johan van Kyntzwylre genant Naille dem Jungen an eyne vnd ffloirssen van Ensseryngen an die ander syeden na rade guyt duncken vnd wailbefallen yrre frunde zo beyden syten Also dat der vurs. Johan Naille die egenante floirssen zo eynre Elicher huyszfrauwen vnd betgenoissen hauen sall des seluen gelychs sall floirs den vurs. Johan Naille zo eyme Elichem manne vnd betgenoessen hauen. Dar vmb han wir Johan van Kyntzwylre genant Naille vnd Greitgin syne Elige huyszfrauwe eyndrechtlich Johan Naille vnsme soene myt floirssen vurs. zo rechten hylichs guden vnd medegauen gegeuen vnse wanonge vnd huyszynge so wye vnd wa dye myt yrer hoiftrechten Erffschafft vryheyden Rechten Renten gulden pechten zynsen lande beynden vnd myt alle yrme zobehoir zo Kuychenheym gelegen ist vnd dar zo sulche Erffschafft vnd gude as wyr van den Kaltysen kryegen han vnd dar myt dye vadye der heren van sent Kunibertz