Beiträge zur Genealogie der adligen Geschlechter 4 (Strange)/087
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 3 | Heft 4 | 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [086] |
Nächste Seite>>> [088] |
| Datei:Strange 04.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
my van mynen vader seliger, gedaen vnde gehantreket worden, Oick alle huesgeraet vnde yngedome wu men dat benomen mochte, vnse vader deme god genade to Collen nagelaten hefft, vnde dar to dosse nabescreuen lude, van mynes broder luden vnde guderen in deme stichte van munster mest geboren vnde getogen, Als myt namen Johan, herman, Aleke, Grete, kathryne, Gerd, Thonies, Godert vnde Jurien, kyndere des olden schulten to sweerinck, dar to Greten dabrokes, Greten vnde kathrynen Eckholtes, gesusters, herman vnde Grete hoenhouels, Bernd, dirick, deipenbrokes sonne, lubbert suchaues, Elseken, Aleken, vnde lysen yerkampes gesusters, Bernd ton holte, oick Elseke van Ameke er suster broder myt all eren kynderen dar to behorende vnde dar to noch de cloetmans art in dem lande van der marcke Beholtlick mynen brodere dar van herman hoenhouels wiff myt eren kinderen, welker ick willem hyr vor nicht benompt en hebbe, Oick sollen alle kindere dosser vorg. vrouwesnamen gelick eren moderen my Willeme vors, vulschuldich egen tohoren, Hyr mede syn wy gebrodere vors, nu vnde tho aller tyt, vor vns, alle vnse rechten eruen vnde aneruen, Alle vnses vederlicken vnde moderlicken erues vnde nagelatenen gudz seer fruntlick gutlick vnde leiflick gedeilt vnde gescheiden, so dat vns beiden dar an nu vnde alle tyt gans wal genoget vnde genogen sal, dar vp wy vns malckanderen hanttastinge vnde loffte in eedestad myt guden vrien willen vnde vorbedachten rade, by vnser ere vnde truwe, vor vns, alle vnse rechten eruen vnde aneruen, dosse vnse gutlike deilinge vnde scheidinghe, in aller mathe, so vorg. steit, stede vast vnde vnuerbroken to holden, vnde hebben des beide vor vns oick alle vnse rechten eruen vnde aneruen, vnse Segele an dosser breue twey gehangen de van worden to worden al eyns luden vnde ynholden syn, der eyn yderman van vns gebroderen vors, eynen to sick genomen heuet, Vnde noch to inerer kunde vnde tuchnisse dosser vnser vorg. deilinge, hebben wy gebrodere vors, gebeden vnde bidden in crafft vnde macht dosses breues Gerde van galen ton Venne vnsen leuen vedderen, vnde Johanne van der recke to dreenstenforde vnsen sunclerlix leuen swager vnde guden frunde, dat se ere Segele by de vnse an dosse twee breue willen hangen, des wy Gerd van galen vnde Johan van der Recke vorg. beide bekennen, war ist, vnde gerne gedaen