Beiträge zur Genealogie der adligen Geschlechter 5 (Strange)/110
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 3 4 | Heft 5 | 6 7 8 9 10 11 12 | |
| Glossar | |
| <<<Vorherige Seite [109] |
Nächste Seite>>> [111] |
| Datei:Strange 05.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
des landts van Guiige myn lieue swager mir georlofft hait zer heiiger Ee zo neymen Goitgin van Weuelkoeuen In voegen dat mir Gerart Vell myn swager helpe mit fynancien ind mit lyue mit guede ind mit alle deme dat hie off syne vrunt die hie darzo bidden mach vermoghen dat ich wederombe zo myme slosse ind guede komen moghe sonder yemant eynghe vurwerde dair ynne zo doen ich en moghe dae mit mynen willen doen So han ich Johan vurgenant bedaght Truwe gunste ind reichten gelouben den mir myn swager Frambach vurg. nu hie mit ind ouch vur doe ich noit en hadte gedaen ind bewyst hait lud han yem darombe wederombe geloifft ind zo gesacht Asbalde as mir got gehilpet dat ich myn Sloss Harue wederombe kregen han in myne hant so sal ich myme swager vurg. ind sinen eruen asvort geuen den Cleynen Thurn ind darzo dat backhuys. ind den stall dar by dat sall hie bebuwen na syme willen Ind dar zo solen sy hauen den platz gelych halff ind den en solen sy noch ich neit bebuwen vurder dan Eyn plancke dar durch zo setzen in dem middell so dat yecklich dan syns gancks gebruyche vur sich Vort so solen der Marschalk off syne eruen machen eyne Cleyne brucge hynden vyss tusschen yrme gehuse ind deme sale dae man oeuer riden moghe ind dat portzgin ind brucge solen ouch gemeyne syn Ind vur der
seluer brucgen solen der Marschalk ind syne eruen hauen des Damss as vele stallunege dar vp zo setzen zo vunffzich off seyszich perden zo dar in zo stellen Ind eyn wynhuys dae dat beste staen sall Vort solen der Marschalk ind syne eruen hauen dru stucke landts haldent by veir ind tzwentzich morgen ind dar zo an dem acker in yecklicher sait vunff morgen Ind dar zo den busch geheisschen vp dem keysskorue ind dar zo alle beenden vyssgescheiden tzweylff morgen beenden die sal ich behalden ind vysneymen dae ich die dat liefste han Ind dar zo so solen sy han Petzen huys hoff schuyrhe stallunege wie dat geleigen is Vort so solen sy hauen die heirlicheit halff hoghe ind neder wie die geleigen is ind solen dar zo yren
boeden stellen tghaen den mynen Ouch solen sy hauen die visscherye halff vp der Arftghen van Haruer molen bis zo Goestorp ind wir solen samen eynen visscher halden ind belonen Item alle portzen ind vurgebrucke solen gemeyne syn mallich van vnss derre zo sinen noeden zo gebruychen Ind want mir