Beiträge zur Genealogie der adligen Geschlechter 3 (Strange)/072
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [071] |
Nächste Seite>>> [073] |
| Datei:Strange 03.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
Kuychenheym behalden myt allem zubehuere sonder emans wederrede. Alle dysse hylichs Sachen gelouen wir Johan Naelle vnd Greitgin elude vnd Johan yre son an eyne vnd Agnese vnd flors an die ander syte vur vns vnd vnse Eruen In gueden truwen wair faste stede vnd ayn allen gebrech zo halden sonder alle gedroch vnd argeliste Vnd des zo getzuge der wairheit so han wyr Johan Naille vnd Greitgin Elude vnd Johan yre son vnse syegel an dyessen breiff gehangen vnd Ich flors vurs. han ouch mynen Syegel vur mych an dyessen brieff gehangen. Vnd ich Agnese han zu merre stedicheit gebeden dye festen Dederich vnd Johan van Ensseryngen myne soene dat sye yre Syegel myt an dyessen brieff hangen willen der Ich Agnese myt gebruychen gebrech des mynen Des wyr Dederich vnd Johan vurs. bekennen gerne gedain han zu beden Agnesen vnser leuer moder vnd wat sy florssen hye Innen verschreuen hait dat ist myt vnser wist vnd gueden willen geschiet vnd zugegangen So wat vns dat nu off namails vmmerme beroeren moechte dar wydder nummer me zo doen keyne wysz Wurde ouch dyesz brieff gebrechlich vonden an schlifft ader an Siegelen dat allet en sall yn nyet hynderen dan he noch tant gantz volsiegelt sunder alreley gebrech beduden vnd erschinen sall Gegeuen Int Jar na gotz geburt dusent vyerhondert tzwey vnd seestzich vff sent Mertyns dach zo wynter gelegen
14. Wynmar von Golzheim verkauft dem Johann von Geylesheim aus seinem Hof zu Poll eine Erbrente von 25 Malter Roggen im J. 1370.
Kunt sy allen luden die desen brieff sollen sein off hoeren leysen Dat wir Wynmar van Goydelzsheim ind Vrytsa eliche lude woynetich zu Pollen kennen offenbeirlichen, dat wir vmb meirre schaden zu vermyden samenderhant han vercoicht ind verkoufen Johanne van Geylesheim ind aleyde elichen luden ind yren eruen eyne bescheiden iaire gulde ertlichen ind ewelichen, asso, vonf ind zwenzich malder rocgen der maessen van Düren, des besten gewas by zwey penningen na geboneiden gueder peichtere vmb eyne Summa gelts die vns an gereiden gelde wale bezailt is, Wylche vurg. vonf ind zwenzich malder rocgen erflich iaire gulde wir han geloift ind geloyuen in gueden truwen vur vns ind vur vnse erfuen Johanne ind Aleide elichen