Beiträge zur Genealogie der adligen Geschlechter 3 (Strange)/043
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [042] |
Nächste Seite>>> [044] |
| Datei:Strange 03.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
Beilagen.
A. Urkunden betreffend die Herren zu Ringsheim,und die Herren von Birgel.
1. Das Kapitel St. Marien ad Gradus in Cöln ernennt den Johann von Ketge zn Ringsheim zum Vogt zu Flamersheim im J. 1423.
Wir Walraue Herre zu kerpen Canoynch der kirchen van Coelne Proyst Dederich van der Horst Dechen Ind vort dat gemeyne Capittel der kirchen sent Mariengreden in Coelne Doin kunt allen luden ind bekennen oeuermitz diesen brieff vur vns vnse gotzhuys ind nakoemlinge dat wir eyndrechtlichen mit gudem vurberaide gesät ind gemacht hain setzen ind machen oeuermitz desen brieff den Eirberen Johan van Ketge genant van Rynshem vnsen ind vnss gotzhuyss vurs. vaydt zu Vlamersheim Palmersheim Kircheim vnd zu Hockenbur Ind ouch oeuer den walt genant Vlamersheymer walt mit alle syme zobehoere In die selue vnse vadye gehoerende syn leuen lanck ind nyet lenger Also dat he in vnsen ind vnss gotzhuys namen die vadye daselfs truwelichen bewaren sall die selue vadye ind vnse gotzhuys in yrem rechten zo halden ind zo verantwerden As eyn getruwe vaydt van recht schuldich is zo doin na synen besten synnen ind vermoigen As syne vurfaren van Rynschem vns die vurs. vadye in vurledenen tzyden me bewart haynt Sunder Argelist Ind were sache dat Johan vurs. vnser off vnser kirchen behoyfde vur geistlichen off werentlichen gerichten off vp eynchen anderen steden da he vmb der vurs. vnser heirlicheyde willen dar zo sullen wir yeme helpen ind synen dach leysten vp allen steden da vns des gelegen were na vnsen vermoigen ind vp vns selfs Cost ind Arbeyt, sunder Argelist, Were ouch sache dat Johan vurs. off yemant van synen wegen vmb vnser vadyen willen eynche Cost schaden off vertust leden deden off hetten des ensullen wir noch vnse nakoemlinge nyet zo schaffen hauen noch Anspraiche lyden van Johan vurs. noch van nyemantz van synen wegen Ind dis zo meirre sicherheyt