Genealogie der Herren und Freiherren von Bongart/107
| GenWiki - Digitale Bibliothek | |
|---|---|
| Genealogie der Herren und Freiherren von Bongart | |
| Inhalt | |
| <<<Vorherige Seite [106] |
Nächste Seite>>> [108] |
| Datei:Genealogie Bongart.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
off helder vurs. by den foeren ind pelen, vort alre Heirlicheit ind gerechticheit zo den vurg. dorfferen gehoerende nu ind zo Erffligen ewigen Zyden geneitlich na vnserem vermögen beschirmen helffen behalden hänthauen ind verdedingen Ouch bekennen wir dat wir der gemelter weduwen zu behoiff yre ind yre Eruen off helder dis brieffs besytzer des huyss van der Heyden zo befestigonge deser Erffschafft nu Rechte werschafft gedain hauen ind doin vestlich in Crafft disseluen brieffs Ind wir willen ind sullen in zokoemen zyden so dicke ind manichwerff In des van noden syn wurdet In vorder werschafft doin, so wie sich sulchs alles in eynre Rechter steder Erffliger beuergrifft zo Recht heyscht ind geburt Ouch ist gefurwert So as dat Sloss ind huyss van der Heyden van vnss as van vnss Hertzouchdomps van Guyige wegen zo lehen gainde ind zo entfangen geboerende ind vnse offen Sloss ind huyss ist, Ind So de Eruen der vurg. weduwen ind ouch de heldere deser verschryuonge alle besytzer des Sloss ind huyss van der Heyden syn sullen we vurgemelt Daromme so sullen de seluen Eruen ind helder so dat Sloss ind huyss van der Heyden besytzen werden, ouch de vurg. dorffere mit alle yren zo ind Ingehoeren mit dem Sloss zor Heyden entfangen verdienen ind vermannen, ind de dorffere van nu vortan erfflich ind ewelich mit in dem lehen begriffen syn, ind damit van vnss vnsen Eruen ind nakomlingen entfangen Behalden vnss hy inne vyss vur vnss vnse Eruen ind nakomlingen alle vnser benden zo vnsem Sloss Wilhemsteyn gehoerende de vp beyden syden der Wurm gelegen syn Also dat de vurg. weduwe yre Eruen off helder vurs. noch de yre sich der nyt vnderwynden en sullen Alle ind Iglige de vurg. punten ind articule Geloeuen wir Wilhem Hertzouch vurg. vur vnss vnse Eruen ind nakomlingen by vnseren furstligen truvsen ind Eren wair vast stede ind vnuerbrochen zo halden darweder nyt zo doin doin doin laissen geschien off schaffen gedain zo werden durch vnss selffs oeder yemans anders van vnser off andere wegen vmb egeynreley sachen wille de gescheyt syn off vmberme geschien mögen Sonder Alrekonne Argelist Indracht hindernisse ind geuerde de in alle dis brieffs punten