Genealogie der Herren und Freiherren von Bongart/099

GenWiki - Digitale Bibliothek
Genealogie der Herren und Freiherren von Bongart
Inhalt
<<<Vorherige Seite [098]	Nächste Seite>>> [100]
Datei:Genealogie Bongart.djvu
Hilfe zur Nutzung von DjVu-Dateien
Texterfassung: korrigiert
Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.

alle deme vurs. onsme erue ind goide hauen heffen ind bueren sal sonder einge wiederspraich van yemanne van geistlichen reichte off werrentliche Ind vmb dat eme diese vurs. scholt ind vurwerden dis briefs vast ind stede sy, ind he da ane bewart sy ind blieue, so hain wir Goidart here zer Heiden vurs. heren Johanne vurs. diesen brieff mit onsme siegil besiegilt gegeuen Ind vort gebeden heren Heinrich den here van Grontzelt onsen lieuen swager dat he zo mere steitgeide ind sichereide alle dieser vurwerden syn Siegel by dat onse an diesen brieff hancgen wille Dat wir Heinrich here zo Grontzelt vmb beden wille des vurs. heren van der Heiden onss lieuen swagers ind in steitgeide ind sichereide heren Johans onss soens vurs. onse Siegel an diesen brieff gehancgen, Gegeuen int Jair onss heren dusent drihondert Sieuen ind seistzich des Eichden daichs in februario

5. Die Gebrüder von Hystvelt verkaufen den Ehegatten Johann von Schoenrode und Lutgart von Birgel ihr Haus und Hof zu Paffendorf genannt auf der Ottersvoirt, und vertauschen mit denselben den Neuenhof gegen Haus und Hof genannt auf der Burg, an der Erft gelegen, im J. 1433. (zu Seite 13.)

Wir Heinrich Johan Goedart ind Wilhem van Hystuelt gebroedere Doin kunt voir vnss ind vnsse eruen Ind bekennen dat wir in der zyt doe wir dat waele doin moichten vnss ouermitz Rait vnsse vrunde ind maege Ind sunderlincgen mit willen ind Raide vnss lieuen vaeders Goedartz van Hystuelt wislich voirbedaicht ind besonnen hauen als meren schaeden zo verhoeden Ind hauen dair vmb redelichs ind bescheidelichs erffkouffs erfflich ind ewelich verkoicht ind verkouffen ouermitz dissen seluen brieff Alsulchen huys ind hoff als wir zo Paffendorp legen hauen geheisschen vp der Ottersvoirt Soe wie dat datum dys brieffs gelegen is bynnen synen grauen ind tzunen Ind dair tzo tzuen deill van den garden ind Buncgarden Ind dat dirde deil is zo gehoerende heren Andreas Smeichen van Leyssincgen Ritters Den Eirberen bescheiden eluden Johanne van Schoinroide zerzyt Droisse zo Berchem Ind