Beiträge zur Genealogie der adligen Geschlechter 5 (Strange)/128

off men wille eyne bottelier sy, eynen kuyrwechter, vier nachtzwechtere, eynen becker ind bruwer ind eynen poirtzener Ind sall der vurs. Beirndt vnse gerichten ind dingstoille halden ind verwaeren, vort vnse vndersaissen der vurs. vnser lands Stat ind kyrsspells gemeynlich ind besunder getruwelichen verdadingen, verantwerden, beschudden ind beschirmen Ind alle manne he sy wer he sy vrouwe vff manne Ryche off arme geistlich off werentlich Scheffenordell ind lantreicht geschien ind widerfaren laissen, Sall ouch die Straessen in deme seluen vnsen lande ind die lude darouer wandelende getruwelichen beschirmen ind verantwerden, so dat Sy fry darouer wandelen moigen, Die pele, wiltbaende, Bussche ind ander zugehoringe der vurs. vnser lands ind kyrsspells sall he ouch verwaren die nyet vermynret, affgetzaegen noch verwuest en werden, vort sall he gemeynlichen alle ind yeckliche saichen daselffs doin ind bestellen gedain werden, die eyme getruwen Amptmanne ind vaigde geboeren zo doin, Ind vns ouch alle tzyt zo vnsem gesynnen van deme seluen vaigtampte guede rechentschafft ind bewys doin, Ind vmb dat Beirndt vurs. alle saichen vurgerort des de bas gedoin ind bestellen moige, So soillen wir yme also lange he vnse Amptman der vurs. vnser Slossz lands Stat ind kyrspells syn wirt, alle Jairs ind na geboere der tzyt im Jaire ouermidtz vnsen Rentmeister zer zyt zo Brucgen doin geuen van yecklicher der vurg. personen tziene ouerlensche gulden, dry malder Roggen ind dry malder maltzs, Ind zo vollist eynre maiget die zo halden tziene gulden, Ind zo vollist wynde ind Jagehonde zo halden zo den wranden Sess malder Roggen macht zo samen Jairs hondert vunfftzich ouerlensche gulden, Echtindviertzich malder Roggen ind zwey ind viertzich malder maltzs Item vunff ind sestzich malder haueren ind vunff foider heuwes zo den vurs. dryn perden, Item eyne halff foider wyns vur syne huysfrouwe, dat sall he seluer doin haelen (holen), Item Sestzich Carpen as da Carpen synt, Item vunfftzich par kanync, Item hondert hoynre, Item noch dar zu vur die dienstwagen Jairlichs eyne malder Roggen ind eyne malter maltzs, Ind dat gelt Roggen maltz ind hauer vurs. sall vnse Rentmeister vurs. Beirndt vurg. betzalen zo zwen termynen im Jare, dat is zo wissen, die eyne helffte nemlich vunff ind seuentzich gulden, vier ind zwentzich malder Roggen, eyn ind