Tappensches Familienbuch (1889)/056
| GenWiki - Digitale Bibliothek | |
|---|---|
| Tappensches Familienbuch (1889) | |
| Inhalt | |
| <<<Vorherige Seite [055] |
Nächste Seite>>> [057] |
| Datei:Familienbuch-Tappen.djvu | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
Elegia.
Ergo aliis deerat multis, Hermanne, ruinis
Ante tuum ut nobis subtraherere diem.
Aulici ut officij (vah fatum immite!) sub ipsum
Principium fieres praeda inopina neci:
Ut bene de sese meritum Te Patria fleret,
Fleret Rectorem et Curia Consilij,
Te, mortalem equidem, sed seclis vivere dignum
Et dignum aeternis crescere nominibus.
Nam nulla ambitio nec habendi caeca lubido,
Nec mala formido, aut spes, amor, ira tibi
Sollicitos ussere animos, sed sanctus in omni
Vita, et eras omni fidus in officio.
Heu dolui, decet ut, miserum et me saepe vocari
Et lacrymas tristes tristior ipse dedi,
Usque adeo Tibi me devinetum sentio, et a me
Deberi fateor maxime quoque Tibi.
Sed Pietas habet hunc morem, cava carbasa mali,
Ut, simul adversis intumuere notis,
Ante cito vertat mala, devitetque procellas,
Cedat et irato naufraga cymba mari.
Ergo aliis deerat multis, Hermanne, ruinis,
Ante tuum ut nobis subtraherere diem.
Johannes Meyer D.
Tappius occubuit, decus immortale Themistos,
Gloria Thespiadum Tappius occubuit.
Tappius occubuit fidei spectamen avitae,
Tappius eloquio consiliisque potens.
Heu mihi si virtus, si tanta scientia rerum
Si probitas, constans si probitatis honos
Evitare valeret inevitabile fatum,
Nunquam gustasses pocula amara necis.
Verum naturae sic omnes alloquitur lex:
Nascenti restat rursus obire diem;
Quicquid et est terrae tenui de pulvere cretum,
Mors iterum in terram tristis abire jubet.
At pia mors Tappi non mors, sed janua vitae,
Non obitus, non nex est, sed amica quies.
Hinc positis agitas caelestia gaudia curis,
Gaudia quae nullo sunt moritura die.
Salve dulcis amice alti nunc aetheris haeres,
Et fruere aethereis, quae tibi parta, bonis.
Lilia cum violis decorent de more sepulcrum,
Floreat aeternis urna beata rosis.
Condolentiae testandae causa posuit
Melchior Schrader I. U. D.