Tappensches Familienbuch (1889)/057
| GenWiki - Digitale Bibliothek | |
|---|---|
| Tappensches Familienbuch (1889) | |
| Inhalt | |
| <<<Vorherige Seite [056] |
Nächste Seite>>> [058] |
| Datei:Familienbuch-Tappen.djvu | |
| Hilfe zur Nutzung von DjVu-Dateien | |
| Texterfassung: unvollständig | |
| Dieser Text ist noch nicht vollständig erfasst. Hilf mit, ihn aus der angegebenen Quelle zu vervollständigen!
| |
Aeternum patriae decus, inclyte Mysta Themistos
Tappiade, cujus fido Respublica quondam
Consilio stetit, ingentem minitata ruinis;
Quem Celsus Princeps dubiis symphradmona rebus
Constituit, cui justitiae commisit habenas;
Tun', ingressus, abis, vix limina prima senectae,
Et tantae nobis subducis munera mentis?
Scilicet exosus terras furialis Enyus
Concussas stimulis, et secula plena malorum,
Aethereas quaeris sedes; animamque suapte
Sponte eluctantem, poscenti reddis Olympo.
Istic alta quies: istic sublimior omni
Terravum strepitu, praesenti Numine mentem
Pascis, et attonitus stellas et menstrua Phoebes
Cornua sub pedibtus calcas, aeternaque, nuper
Advena, miraris nostros fugientia sensus.
Istinc despectas vanis exercita curis
Secla virûm, passim pretiosas quaerere sordes
Auri, posthabito coelo et virtute relictâ:
Rides mendaci specie pietatis et umbrâ
Crimina quaeque tegi, vulpemque latere sereno
Sub vultu. O felix animi, quem sanctius aevum
Nostris secludit vitiis, sortisque malignae
Fluctibus ereptum tutâ statione recepit!
Jam nos justa tuo cineri persolvimus, ora
Udis imbuti lacrymis, nigraque cupresso
Cingimus emeritos fasces, et conscia luctus
Suggesta: ipse pater Dryasin nutritus Inister
Herciniis, moestum piscosâ immurmurat undâ.
Salve Tappiade patriae lux splendida nostrae,
Salve supremum; donec nos acta volucri
Cursu fara tuis reddant complexibus olim.
Interea tua laus nullis delenda diebus
Floret, virtutemque tuam et data commoda sero
Fasti immortales celebrant imitanda nepoti.
Erasmus Schmidt, M. D.
Quem non dira cohors Martis, nec turba Suitûm
Pellere sede fideque sua poterant, modo tollit
Falce suâ mors immitis, (quam, stringit in omnes
Jure suo mortales) TE, CLARISSIME TAPPI.
Sic hunc, sic illum rapit inclementia Martis!
Sic hunc, sic illum rapit inclementia Mortis!
Lumina quot nobis nuper Mors abstulit atra!
Aula tot amisit! tot Curia! tot simul ara!