Genealogie der Herren und Freiherren von Bongart/104
| GenWiki - Digitale Bibliothek | |
|---|---|
| Genealogie der Herren und Freiherren von Bongart | |
| Inhalt | |
| <<<Vorherige Seite [102] |
Nächste Seite>>> [106] |
| Datei:Genealogie Bongart.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
an desen brieff gehangen Ind hain vort gebeden ind bidden den Eirwerdigen in gode heren Herbret van Lulstorp Abt zo sent Cornellis Munster vp der ynden heren Engelbrecht Nyt van Birgel Ritter Erffinarschalck des lantz van Guilge ind Emmerich van Bastenachen den Jongen myne lieue vrunde dat Sy dis alles zo meyrre künden yre Segele mit by dat myn an desen brieff willen doin ind laissen hangen vmb mich ind myne eruen damede hie Inne deforder zo ouertzugen Des wir Herbret van Lulstorp Abt Engelbrecht Nyt van Birgel Ritter ind Emmerich van Bastenachen vurg. also bekennen ind gerne gedaen hauen tzer beden heren Johans van Schoynroide Ritters vurs. Gegeuen ind geschiet In den.Jaeren vnss heren dusent vierhondert ind vunfftzich des XXIXden daigs in Julio
Ich Johan Hoyne van Corthyls Doin kont ind bekennen oeuermytz diese quytancie Dat ich as momber ind van weigen mynre doichter die elige huysfrauwe zo syn plach wilne Goedartz Dobbelsteyn van Doenroide van Johanne van oyuerhuysen vpgeburt int vntfangen hain vierhondert oyuerlensche rynsche gülden In affslaghe alsulcher sommen geltz as Johan van Schoenroide here tzer Heyden ind tzer Blyt as heufftsachwalt. vort her Johan van Meroide Ritter here zo franckenberg, Johan ind Geirhart van Corthenbach gebroedere Peters sone van Corthenbach wilne friederich van Schaesberg ind her Johan van Roide Scheffen zo Aiche as Burgen dem vurs. wilne Goedart schuldich blieuen syn, Ind saghen darumb as momber vurs. vur mich ind myne eruen die vurs. Johan van Schoenroide her Johan van Meroide Johan ind Geirhart van Corthenbach Huprecht scheilart van Lieuendall as momber wilne friederichs vurs. kyndere die egeroirte wilne friederichs vurs. kyndere ind her Johan van Roide ind yre
eruen van diesen vurs. vierhondert gülden los ledich ind quyt Ind bekennen vur mich ind myne eruen dat die vurs. Johan van Schoenroide, her Johan van Meroide, Johan ind Geirhart van Corthenbach wilne friederichs kyndere vurs. ind her Johan van Roide ind yre eruen der vurs. mynre doichter van der vurs. sommen geltz nyet me schuldich en blyuen dan dryhondert oyuerlensche rynsche gülden Sonder argelist vrkonde myns Siegels herane gehangen ind hain zo meirre kontschafft vort gebeden peter den wyrt in die Croyne zo Gulpen, dat hey synen Siegell zo foirder getzuge myt herane gehangen hait Dat ich peter vurs. tzer beden des vurs. Jonckhern Johans Hoynen kennen gerne gedain hain, vp vnser lieuer vrauwen aeuent visitacionis Im Jaere vnss Heren Duysent vierhondert Dry ind Sieuentzich
Wir Wilhem van gotz genaiden Hertzouch zo Guyige & c. Doin kont So as die Eirbar Marie vam Rode frauwe zor Heyden vnss Heuen getruwen Johans van Schoenraide seligen nagelaissen weduwen yre Alderen ind vurseessen vnse dorffere van Rychtergyn van der Banck van Steynstraissen van Eygelsoyge ind van Bernsbergh mit alle yren zo ind Ingehoeren pantz gewyse in verschryuonge van vnsen vurfaren Hertzougen zo Guyige & c. inne gehadt hauen vurDuysent Nuyn ind tzwentzich Enckel bescheiden goult gülden As dan vnse lieue getruwe Werner van Schoenraide des genanten Johans van Schoenraide seliger ind der vurg. Marien eligen Son hibeuoir in vnser veheden mit den Gelreschen mit sampt anderen den vnseren nedergelegen gefangen ist worden ind zo Ruremonde gefencklich gesessen Alda zor schetzingen mit sampt der Atzongen ind zwongen darup gegangen hait moissen geuen