Topographia Bavariae/071

GenWiki - Digitale Bibliothek
Topographia Bavariae
Inhalt
A B C D E F G H I J K L M N O P Q R S T U V W X Y Z
<<<Vorherige Seite [070]	Nächste Seite>>> [072]
Datei:Zeiller Topographia Bavariae.djvu
Hilfe zur Nutzung von DjVu-Dateien
Texterfassung: unkorrigiert
Dieser Text wurde noch nicht korrekturgelesen und kann somit Fehler enthalten.

Müllern/Fischern vnnd Schiffleuthen bewohnet seyn; wiewol in den besagten Belagerungen auch allhie grosser Schaden geschehen; doe Leuthe aber sich nach vnd nach wider erholen sollen.

      Vnnd was besagte steinerne Brück anbelangt/ so ist solche vnder den drey fürnembsten in Teutschland eine/ die vor die stärckste derselben gehalten wird/ dergleichen vber die Thonaw vnnd Rheinstrom keine zu finden. Sie ist/ durcgh Hertzog Heinrichen dem Zehenden in Bayern/ vnnd die Bürger zu Regenspurg/ im Jahr Christi 1135 zu bawen angefangen/ vnd Anno 1146. vollendet worden. Hat 15.weiter vnnd hoher Schwibbögen/ von lauter grossen Quaterstücken gegen der Thonaw/ mit drey eckichten/ auch mit dergleichen steinern auffgeführten Pfeilern wol verwahret/ daran sich das Wasser/ vnd im Winter das Eyß zerstößt/ vnd mit schnellem Lauff vnnd grossem Geräusch/ hindurch fällt. Jst je ein Joch 30. Werckschuh weit/ seyn die Stein vnden im Grund mit grossen Bäumen/ mit Eysen vnd Bley verfaßt; hat 3.hüpscher Thurn/ ist 23.Schuh breyt/ 1100. weniger 9.Werckschuh/ oder wie einer sagt/ 470.Schritt lang. Die Wahrzeichen seyn/ das kleine/blosse/ vnnd gleichsamb auß dem kalten Bad der Thonaw herauff laufendt steinern Männlein/ das auff einer Schleiffmühlthür sitzet/ vnd in einer Hand ein Zettel hat/ darinn geschrieben stehet; Schuck wie heiß; hält die Hand vber die Augen/ wendet sich herumb/ schawet den Thumb an/ als ob er sagen wolt/ wann dann derselbe einmahl sollte außgebawet werden. Es ist beyder Werckmeister/ nämblich deß Thumbs vnd der Brücken/ Zanck vnd Haß/ nicht allein durch solches Männlein/sondern auch durch den Hahnenkampff/ der auff einem Stein gehawen/ vnnd auf dieser Brück zu sehen/ angedeutet worden. Ferners ist auch ein Wahrzeichen/ er groß vnd kleineste Stein in einander/ damit der Brückenmeister anzeigen wollen/ der größt vnd kleinst außgehawen Stein an dieser Brücken/ habe einer ein Form wie der ander. Vnd man vermeynet/ daß wer solches Werck nicht weiß/ oder dessen Vrsach geben könne/ derselbe sey zu Regenspurg nicht gewesen; Jtem ist auch ein Wahrzeichen/ da die Eider auß der Thonaw herauff kreucht/ vnd die gantze auff einem einigen Stein stehet: Jtem/ wo man vor Zeiten die Vbelthäter ertränckt hat/ vnd was der gleichen ist. Es seyn auf der Brücken auch etliche Antiquitäten, als am äussersten vnnd mitleren Thurn/ gegen Nidergang/ von der steinern Brück aufa eine hültzerne in den obern Werth; daselbst allerley Mühlwerck/ als Papyr/ Gewürtz/ Walck/ Seegmühl; vnnd an der andern Seiten der Brück/ gegen den Auffgang/ Schleiff- vnd Polir: Jtem Getrydmühlen. Vnderhalb der hüöltzern Brücken vber die Thonaw/ darauff man auß dem vndern Wörth in die Thonaw fähret vnd gehet/ hats allerley Bawstädel/ Ziegelhütten/ die Blaich/ Schiffstellungen/ rc. wiewol in den nächsen Belagerungen theils Sachen/ mit der Statt grossen Schaden im Fewer auffgangen seyn/ auß welchen etliche wider auffgericht/ vnd jetzt vil schöner/ dann sie zuvor waren/ erbawet worden. Sonsten hat es in dem Vntern Wörth einen sehr lustigen Spaziergang; daselbst man den Regenstrom von Mitternacht herlauffend/ vnnd sich in die Thonaw ergiessend/ siehet. Auff der andern Seiten der Statt ligt das Carthäuser Closter Pruel/ ein Spatzierweg von der Statt/ so vorhin ein Benedictiner Closter gewesen/ aber An. 1484. von Hertzog Albrechten auß Bayern/ den Carthäusern eingeben worden ist. Man hat solches vor dem jtzigen Krieg/ nach der grossen Carthauß im Delphinat/ für der vornehmbsten eines gehalten; so einen schönen Kirchen Schatz/ vnn ansehenliche Kunst- vnd Mahlerstück gehabt hat/ vnd villeicht noch haben mag. Oberhalb der Statt Regenspurg/ wo die Thonaw vnd Nab zusammen fliessen/ ligt das Praemonstratenser Closter/ vnnd Abbtey Prufening/ sonsten Brusling genandt/ so S. Otto Bischoff zu Bamberg/ der Pomer Apostel/ erstlich für WeltlicheChorherren An. 1109 gestifftet/ an deren statt er aber hernach Praemonstratenser Mänch dahin gesetztet hat.

      Dieses Closters erster Abbt ist S.Erminoldus gewesen/ so vmbs Jahr Christi 1121 gelebet/ vnd Kayser Henricum V. weilen er in deß Pabst Bann war/ nicht ins Closter