Beiträge zur Genealogie der adligen Geschlechter 3 (Strange)/059

GenWiki - Digitale Bibliothek
Beiträge zur Genealogie der adligen Geschlechter (Strange)
1  2  |  Heft 3  |  4  5  6  7  8  9  10  11  12 Inhalt  |  Errata  |  Beilagen: A B C D
Glossar
GenWiki E-Book
<<<Vorherige Seite [058]	Nächste Seite>>> [060]
Datei:Strange 03.djvu
Hilfe zur Nutzung von DjVu-Dateien
Texterfassung: korrigiert
Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.

brieff gemacht wurde, des wir vns van eine bedancken Ind schelden yn ind syne eruen der vurs. summa geltz los ledich ind quvt zu ewigen dagen Ind hain wir Geirt Johan ind Fiha vp dat vurs. Erue ind guyt vertzygen Ind dar vp vertzyen oeuermitz diesen offenen brieff vur vns ind vur vnse eruen zu ewigen dagen Ind han wir des vurs. erffs vssgegangen myt halme ind myt munde vp allen steden da dat geburt ind wir dat billich doen soulden Ind hain vns ind vnse eruen an deme vurs. erue ind guede interfft Ind den egenanten Juncker Teilgin ind syne eruen off beheldere dys brieffs myt synen willen dar an geerfft zu ewigen dagen as erffs reicht ind geweynheit is Ouch so hain wir eynen son ind broedere myt namen Henken de noch neit mumperich en is dat hey des vurs. erffs ind goetz eyt vssgaen ind verzyen moge dar vmb hain wir Geirt Johan ind Fiha vurs. den egenanten Juncker Teilgin synen eruen off beheldere dys brieffs myt synen willen dar vur gesproichen geloufft ind geloeuen So wilche zyt dat de vurs. Henken mumperich wirt so sal hie ouch zoerstunt na manungen Juncker Teilgins vurs. off Juncker Arnoltz syn Broedere off yrre eruen off beheldere dys brieffs myt yren willen vertzyen vp dat vurs. erue ind guyt zu Lyntwilre vp den steden da dat geburt Ind were Sache dat hey vp dat vurs. erue neit vertzyen en woulde zoerstunt na yrre manungen So hain wir Geirt Johan ind Fiha vurs. sementlich geloufft ind gelouen in guden truwen ind in eidzstat zoerstunt na manungen Juncker Teilgins vurs. off Juncker Arnoltz syn broedere off yrre eruen off beheldere dys brieffs myt yren willen mallich myt syns selues lyffe zu komen bynnen Gerartsteyn in eyn eirsame herberge dar wir van yn ynne gewist werden Ind vsser Gerartsteyn nummer zo komen dach noch nacht vre noch stunde de vurs. Henken en haue vp dat vurs. erue ind guyt vertzygen in der maissen as vnrs. steit Alle argelist vssgescheden. Dys zu Vrkunde ind gezuge der wairheit so hain ich Johan van Gundersdorp vurs. myn Sigel vur mych ind vmb beiden willen vur Geirt van Boich Ind vur Fihen myne elige wyff ind vur vnse eruen an diesen brieff gehangen Des wir Geirt ind Fiha vurs. myt gebrochen zu dieser zyt Ind hain wir Geirt Johan ind Fiha vurs. vort zu merre stedicheit gebeiden ind bidden dye Eirber lude Goesswin vait