Beiträge zur Genealogie der adligen Geschlechter 5 (Strange)/117

Deynsburmyn elige wyff Doen kunt allen ind bekennen offentlichen in disme intgeynwerdigen brieue vur vns ind vur vnsse eruen Alsulchen Erue ind guyt als Heyntze van Meirbach ind Yda syn elige wyff haint van Raboeden van Gymnich vnssen vader ind sweygerheren ind van synen eruen geleygen zo Houltzheym zo Mechernich ind zo Bercheym Ind alsulchen principaell brieue sy da van haint ind ouch eyn deill geloist haint van Wilhem Munckarde ind synen eruen sprechende up dat vurs. erue ind guyt Da bekennen wir Wilhem ind Raboede van Gymnich gebrodere vurs. ind Guytgin ind Katherina vnsse elige huysfrauwen vurs. vur vns ind vur vnsse eruen dat de vurs. Heyntze van Meirbach ind Heynrich sin elige sun soullen dat vurs. erue ind guyt so wie dat geleygen is zo Houltzheym zo Mechernich ind zo Bercheym mit den vurs. principaell brieuen halden haeuen ind besitzen geroelich ind gerestlichen yre leiffdage ind als lancge sy leuen mogen ind als lancge yrre eyn leuen mach so wilche de sy van in beyden de sall dat vurs. erue ind guyt mit den vurs. principaell brieuen gentzlichen ind zo maell halden ind besitzen syn leiffdage in alle der maessen als sy noch beyde leyffden aen vnssen zorn hindernisse ind wyddersprache vnsser eruen off eymans anders van vnssen weygen Ind wir Wilhem ind Raboede van Gymnich gebroedere vurs. ind Guytgin ind Katherina vnse elige huysfrauwen vurs. geloeuen in gueden alden truwen ind in eidzstat ind sicheren in rechter sicherheit vur vns ind vur vnsse eruen dey vurs. Heyntzen van Meirbach ind Heynrich synen eligen son yre leyffde dage ind als lancge sy leuen mogen ind als lancge yre eynch leuet van in zwen vurs. so wilche de sy an deme vurs. erue ind guede so wie dat geleygen is zo Houltzheym zo Mechernich ind zo Bercheym noch an den vurg.principaell brieuen sy da van haint Neyt zo hynderen noch zo krudden noch schaffen zo krudden Noch egeynche vorderinge noch ansprache an sy noch an dat vurs. erue ind guyt zo lancgen noch zo doen in egeynre wys Noch egeynche sache noch vurdel zo sueken mit worden noch mit werken die vns ind vnssen eruen stade brencgen moechte ind den vurs. luden Heyntzen ind Heynrich vnstade brencgen moechte an deme vurs.

---