Beiträge zur Genealogie der adligen Geschlechter 3 (Strange)/052

GenWiki - Digitale Bibliothek
Beiträge zur Genealogie der adligen Geschlechter (Strange)
1  2  |  Heft 3  |  4  5  6  7  8  9  10  11  12 Inhalt  |  Errata  |  Beilagen: A B C D
Glossar
GenWiki E-Book
<<<Vorherige Seite [051]	Nächste Seite>>> [053]
Datei:Strange 03.djvu
Hilfe zur Nutzung von DjVu-Dateien
Texterfassung: fertig
Dieser Text wurde zweimal anhand der angegebenen Quelle korrekturgelesen.

off leueroncgen vurs. zo weder were So dat man der Amptlude dar zo behoeffde mit pendoncgen off anders dat sullen ich myne Eruen ind naekoemlincge vurs. off des noit geburde weruen ind stellen dat sulchs geschye Ouch were sache dat ynche kurmeden vyelen So wes dae van kumpt dae van sal helder dis brieffs den vyerden penninck hauen vmb de vlysslicher dar zo zo seyn ind mir mynen Eruen ind naekoemlincgen dae Inne vnse beste ind nutz zo doin sunder argelist Ouch vort der halue morgen wyngartz den her Johan vurs. van mir zo pachte hait nae lude eyns besegelden brieffs den seluen wyngart sal ouch helder vurs. hauen ind buwich halden ind mir ind den mynen vurs. Jaers dae van leueren vyer marck zeyn schillinck Sees penninck as der selue wyngart bis her zo gegolden hait mit den raemen dar zo gehoerende die Voyssnacken Jaers leuert as der brieff dat vysswyst Vort so sall ich myne Eruen ind naekoemlincge den hoeffsluden zo deme hoeffsgedincge die mailzit doin als sich dat geburt Sulchs sal her Johan off helder vurs. Jaers doin ind mir vort redelich rechenen Ind vmb alle dese Sachen ind punten dis brieffs zo voldoin ind zo halden van her Johanne off heldere dis brieffs vurs. So haint sy mir mynen Eruen ind naekoemlincgen vurs. dat vervnderpant mit disme vurs. seluen guede buwe ind besseryen dar vp gesat is off gesat wirt dat Sy doch altzyt in gueden redelichen buwe halden ind nyet verwoesten noch vergencklich sullen laissen werden Dae ain ich myne Eruen ind naekoemlincge vurs. vns sullen mogen verhoelen ind erkoeueren alles gebrechs ind achterdeils der van des vurs. guetz Renten ind gulden wegen vnbetzaloncgen haluen zo queme Disme brieue en sall ouch nyet hinderen off ynch Lack hie Inne were off her naemaels queme is were an schrift Segelen off pergement Ind vmb dat ich Engelbrecht Nyt &c. myne Eruen ind naekoemlincge vurs. alle punten dis brieffs vast stede ind vnuerbruchlich sullen halden So hain ich des zo oirkunden der wairheit ind gantzer vaster stedicheit mynen Segel wissentlich vur mich ind die myne vurs. an dissen brieff doin hancgen Ind hain zo noch meyrren kunden geheischen ind gebeden Johan Hurten van Schoeneck den Juncgen mynen lieuen Son ind Eydem dat he ouch syn Segel mit an dissen brieff gehancgen hait Des ich Johan Hurte vurs. vur mich ind