Beiträge zur Genealogie der adligen Geschlechter 4 (Strange)/063

GenWiki - Digitale Bibliothek
Beiträge zur Genealogie der adligen Geschlechter (Strange)
1  2  3  |  Heft 4  |  5  6  7  8  9  10  11  12 Inhalt  |  Beilagen  |  Berichtigung
Glossar
GenWiki E-Book
<<<Vorherige Seite [062]	Nächste Seite>>> [064]
Datei:Strange 04.djvu
Hilfe zur Nutzung von DjVu-Dateien
Texterfassung: korrigiert
Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.

vurg. Dries eyn gonst gedain dat hie off syn nyeste eruen ader maige komen moigen bynnen eynen Jaire Seess wechen ind dryn daighen aengaende vp daich datum dis Heufftbrieffs ind moigen die vurs. guedere myt eyme widderkouff widder an sich brenghen myt eynre sommen van gulden neymelich myt vierduysent Sieuenhundert ind eychtzich gulden yederen der seluer gulden zo vierindzwintzichen Goltz wyspenninghen gerechnet Ind myt den kosten noch darup komen werden Ind da van sullen dye vurs. heren Dechen ind Capittell deme egenanten Dries geuen eynen widderkouffbrieff myt yre Capittels segell besegelt Ind off der widderkouff vurs. bynnen der egenanten tzyt nyet en geschege so sall asdan dar achter der selue wederkouff doit maichtloiss ind van vnwerde syn ind dye egenanten heren Dechen ind Capittell sullen gantz blyuen an diesen erffkoufft yre verschriuongen ind erffkouffbrieff dan aff sprechent zo den ewigen daigen sonder argelist Ind Dries vurs. sall den egenanten heren Dechen ind Capittell by gelouuen ouerlieueren alle alsulche brieue ind Siegele Rollen Registeren ind alle andere bescheit antreffent dye egenanten guedere puffendorp ind Ederen sich de bas wissen zo vnderichten sonder argelist Incl so sullen dye egenanten heren Dechen ind Capittell wanne dye erffkouffbrieue hyn aff versiegelt ind yn ouergelieuert syn an gereiden gelde Johan van Ruysschenbergh vur sich ind vur syne vurgeroirte broidere Yur yre vpdracht vurs. geuen vunffhondert ind deme vurg. Dries Seestzich sulcher gulden as vurs. synt in syn hant Item foirder sullen dye heren Dechen ind Capittell vurs. deme egenanten Dries geuen van der egenanten zyt vortan as neymplich van der tzyt Datum dis erffkouffbrieffs alle Jaire so langhe hie leefft Echtindviertzich postulatus gulden lyffzucht zo wyssen vur yederen der seluer postulatus gulden vier marck Eysch paymentz Ind dat zo vier tzyden myt namen alle quattertemper tzwelff der vurs. postulatus gulden dar oeuer dye egenanten heren Dechen ind Capittell deme vurs. Dries eynen lyfftzuchtbrieff geuen sullen myt yrs Capittels siegell besiegelt incl en sullen der lyfftzucht vurs. nyet moigen affgelden ader loesen Ind off sich erfonde dat yemantz eynche brieue ind siegele hette hynder yme dye vurs. guedere antreffende dye sullen den egenanten heren Dechen ind Capittell oeuergelieuert werden off Dries vurs. sall besorghen