Beiträge zur Genealogie der adligen Geschlechter 5 (Strange)/122

gegen allermenlich den das berurend vnd antreffen mach vnd aiff wir sulchs nit endeden ader eynche persone vnder vnse nit allso enhielde as vurgeschr. steit das got vorhude vnd der egenanter testamenterer eyner ader me des eynche anspraiche schaden last arbeit ader kosten erkriegde wilkuren wir uber vns vnd globen auch in vurg. maissen ycklicher as vur all yn sulche anspraiche kost schaden vnd arbeit sy des halben lydden ader han wurden gentzlichen abe zu doin vnseren fuesz vur die yr zu stellen vnd sy des zo mail schadeloesz zu halden vnd vort vnser erbschafft pantschafft vnd ander gut vns an gestorben ist als vurg. steit vnder vns funff stemme naist vszwisinge des testaments gutlich fredelich vnd liefflich sonder eynchen yndrach hindernisz ader wederrede glych zu deilen vnd dar weder nit zu sprechen noch zu doin durch vns ader yemants anders van vnseren wegen vszgescheiden alle arglist vnd geuerde Des zu merer stedicheit hain wir erben vurg. vnd yglich besonder vnser Ingesiegel an diesen brieff gehangen Im Jaire dusent vierhundert sieben vnd sesztzich uff doenstag nach sent laurencius dag

13. Diederich Junggraf zu Moers und Sarwerden, der etliche Schulden seines Vaters über sich genommen, erneuert dem Bürgen desselben, Heinrich von Mirbach, die alten Schadlosbriefe im J. 1479.

      Wir Dederich Jonge Greue zo Moirse ind zo Sarwerden Doin kunt ind kenlich alremallich Also as Heynrich van Mirbach sich hie beuoir eyn mit vnssem lieuen Jonchern ind vader Greue zo Moirse ind zo Sarwerden ind anderen vur vnsen vader vurs. zo handen Johans van Aellensbergh, vort zo handen hern Wilhems van Flodorp Ritters here zo Leute ind zo Dalenbroich, Ind Dries vamme Roide Son zo ffranckenbergh vur etzliche schoult ind summen geltz verschreuen ind verbunden hait as dat sulche principaill ind ouch vnss vaders schaideloys

---