Beiträge zur Genealogie der adligen Geschlechter 3 (Strange)/083
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [082] |
Nächste Seite>>> [084] |
| Datei:Strange 03.djvu | |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
heren vurs. Alsulchens erffpachtes an dem hoeue zom Angeren myt namen vonfftzich par korns halff Rogge ind halff hauer nae Inhalde der vurs. besiegelder verschryuongen die sy vns nu myt oeuergeleuert hauen Ind wyr Borchart ind Mettel elude vurs. bekennen oeuermytz desen seluen brieff vur vns ind vnsse eruen dat wyr den vurs. eluden heren Aeluen ind vrauwe Metzgin ind yren eruen dat vurs. erue ind erfflige guede myt alle yrre heirlicheyden ind zobehoeryngen as dat vurs. steyt los vry ind vnbeswert an yre hende brengen sullen Ind yn des rechte werschaff zo doyn nae rechte ind gewonden des lands van dem Berghe ind wyr geloeuen ouch myt oeuermytz desen seluen brieff vur vns ind vnsse eruen den vurs. eluden vnd yren eruen dat vurs. Erue ind erfflige guede myt alle irre heirlicheyden ind zobehoerongen as vurs. steyt truwelichen in alle yren rechten vnd herkomen helfen zo behalden nae alle vnser macht enbuyssen vnsse cost ind schaden Alle dese vurs. punten ind articule ind eyn ichlich besonder soe wie die vur van vns geschreuen staynt Sicheren ind geloeuen wyr vur vns ind vnsse eruen in goeden sycheren truwen ind yn rechter eydstat war vaste stede vnd vnuerbruchlichen zo halden ind dair weder neyt zo doyn noch zo soechen myt worden noch myt werken ouermytz vns selues off anders ymantz van vnsen wegen In eyncher wys sonder alle argelist ind gefeirde Ind vort alle Excepcien ind clausulen van beholpe ind beschutniss geystlichs off werltlichs gerichtz off rechtz ind alle alde ind nuwe fonde die vur ye erdacht sint off her naemaels erdacht mochten werden die den vurs. eluden hern Aeluen ind vrauwe Metzgyn ind yren Eruen zo hinder off zo vnstaden komen off sin mochten sollen in desem brieue genslich ind zo mail vysgescheyden sin Ind deser sachen zo oirkunde ind zo getzuge der wairheyt Soe hauen ich Borchart vurs. myn Ingesegel vur mich vur Mettel myn elige huysfrauwe ind vur vnse eruen an desen brieff gehangen wilches vurs. Borchartz myns mans Ingesegel Ich Mettel myt yn desen sachen gebruchen Ind wyr Borchart ind Mettel elude vurs. hauen zo eynre forder bekentniss ind vaster stedicheyt ind ewiger gedechtnisse gebeden den Durluchtigen hoegeboren fursten ind heren hern Gerart Hertzouge &c. dat hey synre gnaden Segell vur an desen brieff wille doyn hangen Des wyr Gerart van gotz gnaden