Beiträge zur Genealogie der adligen Geschlechter 2 (Strange)/129
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 | Heft 2 | 3 4 5 6 7 8 9 10 11 12 Inhalt | Beilagen: A B C | Berichtigungen | |
| Glossar | |
| GenWiki E-Book | |
| <<<Vorherige Seite [128] |
Nächste Seite>>> [130] |
| Datei:Strange 02.djvu | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
Ind Dederich van Landsbergh myn gude frunt by deser verschryuonge her Johan myn Eydom vurs. mir gedain hait Ind ouch geloiffnisse des burchfreden vurs. geweist sint, So hain ich sy ouch zo noch meirre getzuge der wairheit die vurg. zwene heren Euerhart Quaden Ritter mynen broder Ind Dederich van Lantzberghe mynen guden frunt gebeden dat sy yre beide Inges. by dat myne an desen brieff willen hangen, Des wir Euerhart ind Dederich vurs. bekennen vmb vurg. beden willen gerne gedain hain, Gegeuen vp nyest frydach na Sente Matheus dage des heiligen Apostolen ind ewangelisten Im Jair as man schreiff dusent vierhundert ind Seistzich
10. Ehevertrag zwischen Coen von Eynenberg und Margaretha von Nesselrode v. J. 1470.
In gotz namen Amen kunt sy allen ind yecklichen den ghenen die desen brieff werden sien, lesen off hoeren gelesen werden, dat ouermitz hernageschreuen beider parthyen mage ind heymeliche bewante frunde, eyn wislich Hylich verraympt bedadingt ind gemacht geslossen ind zo gegangen ist, tusschen dem Strengen Heren Johan van Eynenberg Ritter Heren zo Lantzkroen ind zo Drynborn Ind frauwen yrmgart Quaden syne elige huysfrauwe frauwe der heirschafft vurs. yrre beider eligem Sone Conen an die eyne, Ind des vesten ind vromen Johans van Nesselrode Here zom Steyne Lantdroiste des lantz van dem Berge elige dochter Margriet an die andere syden Ind dat in deser nageschreuenre maissen Zo wissen dat der vurs. Cone van Eynenberg die vurg. Margriet zo eynre eliger huysfrauwen ind beedgnoissen zo der hiliger Ee nemen hauen ind behalden sall Ind Sy yn wederumb zo eyme eligen manne Ind Johan vurs. sall synre doichter geuen zo rechten medegauen ind hylichsgude, dat Sy an den seluen Conen syn lyff ind gut brengen sall, Dryduysent oyuerlenssche gereide gulden Ind die zo betzalen bynnen eyme haluen Jaere nyest na data dis brieffs die Her Johan ind frauwe yrmgart vntfangen sullen yre schulde damit affzolegen, die yn vp swaire pene leistonge wardeinschafft ind groissem verderffnis staint In deser vurwerden ist billich want die vurg. Son ind doichter noch Jonck van Jaeren synt ind bedadingt, want Johan der lantdroiste ouch syn gereide gelt vissgeuen ind vpbrengen mois dat hey darvur